រាជធានីភ្នំពេញ ៖ បុរសម្នាក់បានបើករថយន្តក្នុងស្ថានភាពស្រវឹងរេចង្កូតទៅបុកបង្គោលភ្លើងបំភ្លឺផ្លូវបណ្តាលឱ្យវៀច និងដាច់អំពូលភ្លើងធ្លាក់ទៅលើដី រីឯរថយន្តខូចខាតផ្នែកខាងមុខធ្ងន់បើកទៅមុខលែងរួច ។
រាជធានីភ្នំពេញ ៖ បុរសម្នាក់បានបើករថយន្តក្នុងស្ថានភាពស្រវឹងរេចង្កូតទៅបុកបង្គោលភ្លើងបំភ្លឺផ្លូវបណ្តាលឱ្យវៀច និងដាច់អំពូលភ្លើងធ្លាក់ទៅលើដី រីឯរថយន្តខូចខាតផ្នែកខាងមុខធ្ងន់បើកទៅមុខលែងរួច ។
ហេតុការណ៍នេះបានបង្កឱ្យមានការភ្ញាក់ផ្អើលកាលពីវេលាម៉ោង១ និង៤០នាទីរំលងអាធ្រាតឈានចូលថ្ងៃទី៣ កក្កដា ២០១៥ តាមបណ្តោយផ្លូវសហពន្ធ័រុស្សីមុខវិមានសន្តិភាព ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
បុរសដែលបើករថយន្តបុកបង្គោលភ្លើងនោះមិនត្រូវបានស្គាល់អត្តសញ្ញាណទេ មានអាយុប្រហែល៤០ឆ្នាំ ស្វិតជើងខាងឆ្វេងម្ខាង បើករថយន្តមួយគ្រឿងម៉ាកRAV4 ស៊េរីឆ្នាំ២០០២ពណ៌ស្ករ ពាក់ស្លាកលេខ ភ្នំពេញ 2AA-4018 ។
បើតាមសាក្សីដែលបានឃើញហេតុការណ៍បានឱ្យដឹងថា មុនពេលកើតហេតុគេបានឃើញរថយន្តបង្កបើកបរយ៉ាងលឿនតាមបណ្តោយផ្លូវសហព័ន្ធរុស្សីក្នុងទិសដៅពីកើតទៅលិច លុះមកដល់ចំណុចមុខវិមានសន្ថិភាពដែលជាកន្លែងកើតហេតុស្រាប់តែរថយន្តបានរេចង្កូតមកខាងស្តាំដៃ ហើយក៏បុកនឹងបង្កោលភ្លើងតែម្តងទៅ ។ ពេលដែលបុកភ្លាមៗនោះអ្នកបើកបរហាក់នៅមិនទាន់ស្វាងស្រាទេ ព្រោះថាពេលដែលសមត្ថកិច្ចទៅដល់ហើយសួរនាំ គឺអ្នកបើកបរមិនបានចុះពីរថយន្តទេ ហើយនិយាយតែពាក្យដដែលៗថា គេអត់មានបុកអីផង ។
ក្រោយពេលកើតហេតុខាងកំលាំងមានសមត្ថកិច្ចបានធ្វើការវាស់វែង និងស្ទួចរថយន្តបង្កយកទៅរក្សាទុកនៅការិយាល័យចរាចរផ្លូវគោករាជធានីដើម្បីធ្វើការដោះស្រាយនៅពេលក្រោយ ៕
ចែករំលែកព័តមាននេះ