ម៉ាស៊ីបូមទឹកជិត១៥០គ្រឿងកំពុងបូមទឹកដាក់ស្រូវស្រាលដែលកំពុងត្រូវការទឹក
ខេត្តបន្ទាយមានជ័យ ៖ ម៉ាស៊ីបូមទឹកជិត១៥០គ្រឿងបានបូមទឹកដាក់ស្រែស្រូវស្រាលដែលកំពុងត្រូវការទឹកប្រមាណ៣០០ហិតា នៅក្នុងក្រុងសិរីសោភ័ណខេត្តបន្ទាយមានជ័យ ។
ខេត្តបន្ទាយមានជ័យ ៖ ម៉ាស៊ីបូមទឹកជិត១៥០គ្រឿងបានបូមទឹកដាក់ស្រែស្រូវស្រាលដែលកំពុងត្រូវការទឹកប្រមាណ៣០០ហិតា នៅក្នុងក្រុងសិរីសោភ័ណខេត្តបន្ទាយមានជ័យ ។
លោកនី នឿន ប្រជាកសិករនៅក្រុងសិរីសោភ័ណបានប្រាប់ថា នៅក្រុងសិរីសោភ័ណមានប្រជាពលរដ្ឋភាគច្រើនធ្វើស្រូវស្រាលក្នុងមួយរដូវបាន២ទៅ៣ដង ហើយទទួលផលប្រសើរជាងស្រូវកណ្តាល និងស្រូវធ្ងន់ ។ តែនៅឆ្នាំ២០១៥នេះ នៅដើមរដូវប្រជាកសិករដែលភ្ជួររាស់ និងព្រោះ តែជួបគ្រោះរាំងស្ងួត ដែលប្រឈមនឹងស្រូវស្វិត និងងាប់ តែនៅដើមខែមិថុនាមានភ្លៀងធ្លាក់បណ្តាលមានទឹកក្នុងប្រព័ន្ធប្រឡាយមេប្រជាកសិករបាននាំគ្នាបូមដាក់ស្រែស្រូវស្រាល ។
លោកយឹម ប៊ុនរ៉ុម ប្រធានមន្ទីរធនធានទឹក និងឧតុនិយមខេត្តបានប្រាប់ថា ក្រោយពេលមានភ្លៀងធ្លាក់នៅផ្នែកខាងលើហើយទឹកមាននៅក្នុងស្ទឹងហូរចូលប្រឡាយមេ ហើយប្រជាកសិករបាននាំគ្នាបូបទឹកដាក់ស្រែស្រូវស្រាលនៅក្រុងសិរីសោភ័ណមានម៉ាស៊ីនប្រមាណ១៥០គ្រឿងដែលបូមដាក់រយះពេលជិត១សប្តាហ៍នេះបានប្រមាណជិត៣០០ហិតា ។
លោកបានបញ្ជាក់ថា នៅទូទាំងខេត្តបន្ទាយមានជ័យដែលមាន៩ស្រុក/ក្រុងក្រោយពេលដែលទទួលភ្លៀងធ្លាក់នៅក្នុងខែមិថុនា មានទឹកតាមប្រព័ន្ធប្រឡាយមេដើម្បីបូមដាក់ស្រែស្រូវប្រាំង ដែលត្រូវការទឹកនៅក្រុងសិរីសោភ័ណ និងស្រុកមង្គលបូរី ៕
ចែករំលែកព័តមាននេះ