រាជធានីភ្នំពេញ ៖ សហគមន៍មូលនិធិនគរកាយវត្តព្រះពុទ្ធសាសនាកម្ពុជាកាលពីព្រឹកថ្ងៃទី១ កក្កដា ២០១៥ បានធ្វើពិធីផ្តល់អំណោយជាគ្រឿងឧបភោគ បរិភោគ និងថវិកាចំនួន៤លានរៀលដល់អនុសាខាកាកបាទក្រហមកម្ពុជាខណ្ឌឫស្សីកែវដើម្បីនាំយកទៅចែកជួនដល់ជនរងគ្រោះបន្តទៀត។
ពិធីនេះបានរៀបចំនៅក្នុងបរិវេណវត្តញាណរង្សី ស្ថិតនៅភូមិទួលគោក សង្កាត់ទួលសង្កែ ខណ្ឌឫស្សីកែវ ដោយមានការចូលរួមទទួលអំណោយពីលោកជា ពិសី ជាអនុប្រធានគណៈកម្មាធិការកាកបាទក្រហមកម្ពុជាខណ្ឌឫស្សីកែវ ជាតំណាងលោកធុយ សាខន អភិបាលខណ្ឌឫស្សីកែវ និងជាប្រធានកាកបាទក្រហមកម្ពុជាខណ្ឌឫស្សីកែវ និងមានការនិមន្តប្រគល់ដោយព្រះតេជគុណសុវណ្ណជោតិខឹម សម្បត្តិ ព្រមទាំងព្រះសង្ឃជាចៅអធិការវត្តចំនួន៤ក្នុងខណ្ឌដែលជាម្ចាស់អំណោយផងដែរ។
ព្រះតេជគុណសុវណ្ណជោតិ ខឹម សម្បត្តិ ព្រះប្រធានសហគមន៍មូលនិធិនគរកាយវត្តព្រះពុទ្ធសាសនាកម្ពុជា និងជាចៅអធិការវត្តញាណរង្សី បានមានសង្ឃដិកាឱ្យដឹងថា អំណោយដែលប្រគល់ឲ្យអនុសាខាកាកបាទក្រហមខណ្ឌកម្ពុជាឫស្សីកែវនៅពេលនេះ គីបានមកពីការចូលរួមពីព្រះចៅអធិការ និងព្រះសង្ឃ ព្រមទាំងពុទ្ធបរិស័ទចំណុះជើងវត្តទួលសុវណ្ណរ៉ាម ហៅវត្តទួលសង្កែ, វត្តឧត្តរាវតី, វត្តទួលសន្តិវ័ន ហៅវត្តទួលអស់លោក វត្តញាណរង្សី និងវត្តកោះពោធិ៍វង្ស រួមទាំងជាមួយសហគមន៍មូលនិធិនគរកាយវត្តព្រះពុទ្ធសាសនាកម្ពុជា៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ