រាជធានីភ្នំពេញ ៖ ជនសង្ស័យជួញដូរគ្រឿងញៀន២នាក់ត្រូវនគរបាលប៉ុស្តិ៍ប្ញស្សីកែវសហការជាមួយកម្លាំងប្រជាការពារសង្កាត់ឃាត់ខ្លួនបានកាលពីវេលាម៉ោង២ និង៣០នាទីទៀបភ្លឺ
រាជធានីភ្នំពេញ ៖ ជនសង្ស័យជួញដូរគ្រឿងញៀន២នាក់ត្រូវនគរបាលប៉ុស្តិ៍ប្ញស្សីកែវសហការជាមួយកម្លាំងប្រជាការពារសង្កាត់ឃាត់ខ្លួនបានកាលពីវេលាម៉ោង២ និង៣០នាទីទៀបភ្លឺ ឈានចូលថ្ងៃទី២ កក្កដា នៅចំណុចមុខខ្លោងទ្វារវិទ្យាល័យប្ញស្សីកែវ ស្ថិតក្នុងភូមិមិត្តភាព សង្កាត់ប្ញស្សីកែវ ខណ្ឌប្ញស្សីកែវ។
ជនសង្ស័យទាំង២នាក់ ម្នាក់ឈ្មោះសេង អ៊ូមីន ភេទប្រុស អាយុ១៩ឆ្នាំ មានទីលំនៅភូមិក សង្កាត់ច្រាំងចំរេះ២ និងម្នាក់ទៀតឈ្មោះខឿន មករា ភេទប្រុស អាយុ២៤ឆ្នាំ មានទីលំនៅភូមិទួលគោក សង្កាត់ទួលសង្កែ ។
ប្រភពបានឱ្យដឹងថា មុនពេលកើតហេតុជនសង្ស័យបានជិះម៉ូតូមួយគ្រឿងម៉ាកវីវ៉ាធ្វើសកម្មភាពដើរចែកចាយគ្រឿងញៀននៅចំណុចខាងលើ ក៏ត្រូវកម្លាំងសមត្ថកិច្ចស្រាវជ្រាវឃាត់បានជាក់ស្តែង ដកហូតបានម៉ាទឹកកក១០កញ្ចប់ ម៉ូតូវីវ៉ា១គ្រឿង និងលុយដុល្លារក្លែងក្លាយ២០ដុល្លារ លុយខ្មែរ៤.០០០រៀលបញ្ជូនទៅអធិការដ្ឋានខណ្ឌចាត់ការតាមច្បាប់៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ