រាជធានីភ្នំពេញ ៖ មនុស្សចំនួន១៧នាក់ជាប់ពាក់ព័ន្ធពីបទបន្លំឯកសារ និងប្រឡងជំនួសអ្នកដទៃ ដើម្បីទៅធ្វើការនៅប្រទេសកូរ៉េ ត្រូវបានបញ្ជូនទៅនគរបាលក្រសួងមហាផ្ទៃវិញ បន្ទាប់ពីនាំមកធ្វើការសាកសួរនៅសាលាដំបូងរាជធានីភ្នំពេញ កាលពីល្ងាចថ្ងៃទី០១ កក្កដា ២០១៥ នេះ ដោយពួកគេនឹងត្រូវសួរនាំម្តងទៀតនៅថ្ងៃស្អែកទី០២ កក្កដា ២០១៥ នៅសាលាដំបូងរាជធានី
រាជធានីភ្នំពេញ ៖ មនុស្សចំនួន១៧នាក់ជាប់ពាក់ព័ន្ធពីបទបន្លំឯកសារ និងប្រឡងជំនួសអ្នកដទៃ ដើម្បីទៅធ្វើការនៅប្រទេសកូរ៉េ ត្រូវបានបញ្ជូនទៅនគរបាលក្រសួងមហាផ្ទៃវិញ បន្ទាប់ពីនាំមកធ្វើការសាកសួរនៅសាលាដំបូងរាជធានីភ្នំពេញ កាលពីល្ងាចថ្ងៃទី០១ កក្កដា ២០១៥ នេះ ដោយពួកគេនឹងត្រូវសួរនាំម្តងទៀតនៅថ្ងៃស្អែកទី០២ កក្កដា ២០១៥ នៅសាលាដំបូងរាជធានី
ភ្នំពេញ ។
គួររំលឹកថា នាយកដ្នាននគរបាលព្រហ្មទណ្ឌក្រសួងមហាផ្ទៃ នៅរសៀលថ្ងៃទី៣០ មិថុនា នេះបានបញ្ជូនមនុស្សចំនួន១៧នាក់ទៅសាលាដំបូង ជាប់ពាក់ព័ន្ធពីបទបន្លំឯកសារ និងប្រឡងជំនួសអ្នកដទៃដើម្បីទៅធ្វើការនៅប្រទេសកូរ៉េ ។
លោកឧត្តមសេនីយ៍ទោសុខ ខេមរិន ប្រធាននាយកដ្ឋាននគរបាលព្រហ្មទណ្ឌក្រសួងមហាផ្ទៃបានឲ្យដឹងថា កាលពីថ្ងៃទី២៧ មិថុនា កំលាំងនាយកដ្ឋាននគរបាលព្រហ្មទណ្ឌ បានសហការជាមួយក្រសួងការងារ និង បណ្តុះបណ្តាលវិជ្ជាជីវៈ ឃាត់មុខសញ្ញា១៧នាក់ ក្នុងនោះមានស្រី២នាក់ ដែលបានក្លែងបន្លំឯកសារចូលប្រឡងជំនួសអ្នកដទៃដើម្បីធ្វើតេស្តភាសាកូរ៉េតាមប្រព័ន្ធអនុញ្ញាតមុខរបរសម្រាប់ពលករចេញទៅធ្វើការងារនៅប្រទេសកូរ៉េ ។
បច្ចុប្បន្ននាយកដ្ឋានកំពុងរៀបចំឯកសារបញ្ជូនទៅស្ថាប័នអយ្យការអមសាលាដំបូងរាជធានីភ្នំពេញដើម្បីចាត់ការតាមនិតិវិធីបន្ត ។ មនុស្ស១៧នាក់នោះតំណាងអយ្យការកំពុងធ្វើការសាកសួរនៅមិនទាន់ចាត់ការយ៉ាងណានៅឡើយទេ ។
ចែករំលែកព័តមាននេះ