ខេត្តព្រៃវែង ៖ប្រភពព័ត៌មានពីសមត្ថកិច្ចខេត្តព្រៃវែងបានឱ្យដឹងថា ពេលនេះសមត្ថកិច្ចបានស្គាល់អត្តសញ្ញាសិស្សសាលា២នាក់ដែលបានលង់ទឹកបាត់នៅរមណីយដ្ឋានដីដុះហើយ គឺមាន ១-យាំង មុន្នី ភេទប្រុស អាយុ១៧ឆ្នាំ ២-ឈ្មោះជឹម សុភារម្យ ភេទប្រុស អាយុ១៧ឆ្នាំ
ខេត្តព្រៃវែង ៖ប្រភពព័ត៌មានពីសមត្ថកិច្ចខេត្តព្រៃវែងបានឱ្យដឹងថា ពេលនេះសមត្ថកិច្ចបានស្គាល់អត្តសញ្ញាសិស្សសាលា២នាក់ដែលបានលង់ទឹកបាត់នៅរមណីយដ្ឋានដីដុះហើយ គឺមាន ១-យាំង មុន្នី ភេទប្រុស អាយុ១៧ឆ្នាំ ២-ឈ្មោះជឹម សុភារម្យ ភេទប្រុស អាយុ១៧ឆ្នាំ អ្នកទាំង២មានទីលំនៅភូមិបាយាប ស្រុកកំចាយមារ ខេត្តព្រៃវែង ។
សូមបញ្ជាក់ថា ក្មេងប្រុសជាសិស្សសាលា៤នាក់បានលក់ទឹករមណីយដ្ឋានដីដុះ ស្ថិតភូមិសាមគ្គី ឃុំស្វាយភ្លោះ ស្រុកពាមជរ ខេត្តព្រៃវែង កាលពីវេលាម៉ោង៣រសៀលថ្ងៃទី៣០ មិថុនា ២០១៥ តែត្រូវសមត្ថកិច្ចជួយសង្គ្រោះទាន់បាន២នាក់ នៅសល់២នាក់ទៀតបានលិចបាត់ រកមិនទាន់ឃើញ ។
ប្រភពបានឱ្យដឹងថា មុនពេលកើតហេតុក្មេងៗសិស្សសាលាមួយក្រុមមានគ្នា៦-៧នាក់បាននាំ គ្នាទៅងូតទឹកលេងកម្សាន្តនៅរមណីយដ្ឋានដីដុះ ខណៈពេលកំពុងងូតទឹកនោះក្មេងប្រុសម្នាក់បានលង់ទឹក ហើយបានស្រែកហៅឱ្យគេជួយ ពេលនេះក្មេងប្រុសជាមិត្តភក្តិ៣នាក់ទៀតបានលោតទៅជួយស្រាប់តែលង់ ទាំង៤នាក់តែម្តង ។
ភ្លាមៗនេះសមត្ថកិច្ចអាវុធហត្ថបានចុះទៅជួយស្រង់បាន២នាក់ ចំណែកឯ២នាក់ទៀតបានលិចបាត់មិនដឹងជាទៅណាទេ ។
ព័ត៌មានបន្ថែមនឹងផ្សាយជូននៅពេលក្រោយទៀត ។
ចែករំលែកព័តមាននេះ