រាជធានីភ្នំពេញ ៖ មន្ត្រីមន្ទីរសាធារណការរាជធានីភ្នំពេញបានឱ្យដឹងថា ក្នុងផែនការដោះស្រាយបញ្ហាទឹកលិចផ្លូវលេខ១៩ ផ្លូវលេខ២៤០ មហាវិថីព្រះសុធារស នៃតំបន់ជុំវិញព្រះបរមរាជវាំង សាលារាជធានីភ្នំពេញបាននិងកំពុងដាក់បណ្តាញលូបេតុងប្រអប់តាមបណ្តោយផ្លូវលេខ២៤០ ទំហំ១,៥ម៉ែត្របួនជ្រុង ប្រវែង៣៤១ម៉ែត្រ ចាប់ពីចំណុចមុខអតីតរដ្ឋសភា នៃមហាវិថីព្រះសុធារសរហូតដល់មាត់ទន្លេ ។ បណ្តាញលូនេះសម្រាប់ទទួលតែទឹកភ្លៀងបង្ហូរចូលទន្លេប៉ុណ្ណោះ ។
ជាលទ្ឋផលគិតត្រឹមថ្ងៃទី២៩ មិថុនា ២០១៥ សម្រេចដាក់លូបានប្រវែង២១៥ម៉ែត្រ លើប្រវែងសរុប៣៤១ម៉ែត្រ ត្រូវជា៦៣%នៃគម្រោង ។
សាលារាជធានីភ្នំពេញ ស្នើសុំការយោគយល់អធ្យាស្រ័យចំពោះការរំខានដោយសកម្មភាពការដ្ឋាន និងការស្ទះចរាចរលើកំណាត់ផ្លូវទីតាំងការដ្ឋាននេះ ៕
ចែករំលែកព័តមាននេះ