ខេត្តប៉ៃលិន ៖ ជនសង្ស័យជួញដូរគ្រឿងញៀ.នដ៏សកម្មម្នាក់ត្រូវកម្លាំងសមត្ថកិច្ចនគរបាលប៉ុស្តិ៍ស្ទឹងត្រង់ឆ្មក់ស្ទាក់ចាប់ឃាត់ខ្លួនបាន ខណៈកំពុងតែយកគ្រឿងញៀ.នទៅរក្សាទុកនៅក្នុងផ្ទះរបស់ខ្លួនបម្រុងយកទៅឱ្យម៉ូយផ្សេងៗទៀតនៅក្នុងភូមិ ។
ខេត្តប៉ៃលិន ៖ ជនសង្ស័យជួញដូរគ្រឿងញៀនដ៏សកម្មម្នាក់ត្រូវកម្លាំងសមត្ថកិច្ចនគរបាលប៉ុស្តិ៍ស្ទឹងត្រង់ឆ្មក់ស្ទាក់ចាប់ឃាត់ខ្លួនបាន ខណៈកំពុងតែយកគ្រឿងញៀនទៅរក្សាទុកនៅក្នុងផ្ទះរបស់ខ្លួនបម្រុងយកទៅឱ្យម៉ូយផ្សេងៗទៀតនៅក្នុងភូមិ ។ ការចាប់ឃាត់ខ្លួននេះធ្វើឡើងកាលពីវេលាម៉ោង៤ និង១៥នាទីរសៀល ថ្ងៃទី២៨ ខែមិថុនា ឆ្នាំ២០១៥ ស្ថិតនៅចំណុចភូមិដីសថ្មី ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។
ប្រភពព័ត៌មានបានឱ្យដឹងថា ជនសង្ស័យឈ្មោះរី សុផាត ភេទប្រុស អាយុ៣៣ឆ្នាំ ជាកសិករ រស់នៅភូមិដីសថ្មី ឃុំស្ទឹងត្រង់ ស្រុកសាលាក្រៅ ដោយរឹបអូសបានគ្រឿងញៀនម៉ាទឹកកកចំនួន៩កព្ចាប់តូច ។
ក្រោយពេលចាប់ខ្លួន ជនសង្ស័យបានសារភាពថា រូបគេពិតជារកស៊ីជួញដូរគ្រឿងញៀនប្រាកដមែន ដោយទិញពីជនមិនស្គាល់អត្តសញ្ញាណម្នាក់រស់នៅក្រុងប៉ៃលិនយកមកលក់បន្តជាច្រើនថ្ងៃខែមកហើយ តែវង្វែងដានសមត្ថកិច្ចមិនឱ្យដឹងនោះឡើយ ។ ទើបតែពេលនេះដោយសារមានអ្នកចូលមកទិញប្រើប្រាស់ច្រើនពេក ក៏បែកការណ៍ ទើបសមត្ថកិច្ចធ្វើការចាប់ឃាត់ខ្លួនតែម្តង ៕
ចែករំលែកព័តមាននេះ