ខេត្តកំពង់ស្ពឺ៖ មុខសញ្ញាប្រើប្រាស់ និងចែកចាយគ្រឿងញៀន២នាក់ត្រូវនគរបាលស្រុកឧដុង្គឃាត់ខ្លួនជាបន្តបន្ទាប់ ខណៈពួកគេកំពុងធ្វើសកម្មភាពចែកចាយ និងប្រើប្រាស់ថ្នាំញៀន
ខេត្តកំពង់ស្ពឺ៖ មុខសញ្ញាប្រើប្រាស់ និងចែកចាយគ្រឿងញៀន២នាក់ត្រូវនគរបាលស្រុកឧដុង្គឃាត់ខ្លួនជាបន្តបន្ទាប់ ខណៈពួកគេកំពុងធ្វើសកម្មភាពចែកចាយ និងប្រើប្រាស់ថ្នាំញៀន កាលពីវេលាម៉ោង៩ និង៣០នាទីយប់ ថ្ងៃទី២៨ មិថុនា ២០១៥ នៅតាមបណ្តោយផ្លូវលំ ភូមិគោកសណ្តែក ឃុំក្រាំងចេក ស្រុកឧដុង្គ។
នគរបាលស្រុកឧដុង្គបានឱ្យដឹងថា ជនសង្ស័យដែលឃាត់ខ្លួនបានមុនគេឈ្មោះតាញ់ ប៉ុន ភេទប្រុស អាយុ៣២ឆ្នាំ មុខរបរមិនពិតប្រាកដ រស់នៅក្នុងភូមិបារ៉ាយ ឃុំក្រាំងចេក ស្រុកឧដុង្គ ។ ក្រោយឃាត់ខ្លួនសមត្ថកិច្ចបានដកហូតម៉ាទឹកកកចំនួន២កញ្ចប់។
នគរបាលដដែលបន្តថា បន្ទាប់ពីចាប់បានជនសង្ស័យខាងលើបានសារភាពថា រូបគេបានទទួលថ្នាំញៀនពីឈ្មោះគុល ណាត់ ភេទប្រុស អាយុ២៧ឆ្នាំ មុខរបរមិនពិតប្រាកដ រស់នៅភូមិ-ឃុំជាមួយជនឈ្មោះតាញ់ ប៉ុនដែរ សមត្ថកិច្ចក៏ចុះទៅឃាត់ឈ្មោះកុល ណាត់ តែម្តង ដោយដកហូតបានសំណល់វេចខ្ចប់ ទូរស័ព្ទ១គ្រឿង និងម៉ូតូ១គ្រឿងផងដែរ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ