ខេត្តរតនគិរី ៖ ហាងលក់ទូរស័ព្ទដៃមួយកន្លែងយីហោ វីរ៉ា ស្ថិតនៅភូមិជ័យជំនះ សង្កាត់ឡាបានសៀក ក្រុងបានលុង ត្រូវចោរធ្វើសកម្មភាពគាស់ផ្នែកខាងក្រោយចូលលួចទូរស័ព្ទស៊េរីទំនើបអស់ជាច្រើនគ្រឿង
ខេត្តរតនគិរី ៖ ហាងលក់ទូរស័ព្ទដៃមួយកន្លែងយីហោ វីរ៉ា ស្ថិតនៅភូមិជ័យជំនះ សង្កាត់ឡាបានសៀក ក្រុងបានលុង ត្រូវចោរធ្វើសកម្មភាពគាស់ផ្នែកខាងក្រោយចូលលួចទូរស័ព្ទស៊េរីទំនើបអស់ជាច្រើនគ្រឿង បង្កឱ្យមានការភ្ញាក់ផ្អើល កាលពីវេលាម៉ោង៨ព្រឹកថ្ងៃទី២៩ មិថុនា ២០១៥ ។
ក្រោយកើតហេតុ សមត្ថិច្ចឡាបានសៀក និងក្រុងបានលុងបានចុះមកត្រួតពិនិត្យនៅផ្ទះកើតហេតុដែលត្រូវចោរលួចគាស់នោះ ។ ទាក់ទិននឹងករណីខាងលើត្រូវបានលោកតេង សាវុធ អធិការរងក្រុងបានលុងទទួលបន្ទុកព្រហ្មទណ្ឌបានឲ្យដឹងថា ម្ចាស់ហាងលក់ទូរស័ព្ទខាងលើមានឈ្មោះ វីរ៉ា មុខរបរបើកហាងលក់ទូរស័ព្ទដៃ ។
បើតាមការត្រួតពិនិត្យរបស់សមត្ថកិច្ចក្រុមចោរបានធ្វើសកម្មភាពចន្លោះម៉ោង៣ និង៣០នាទីទៅ៤ទៀបភ្លឺ។ ម្ចាស់ហាងបានឲ្យសមត្ថកិច្ចដឹងពីសម្ភារដែលត្រូវបាត់បង់រួមមាន iPhone6 03គ្រឿង, iphone6plus 02គ្រឿង, Samsung galaxy 6edge 02គ្រឿង, Sum Sung galaxy s6 02គ្រឿង, iPad air 01គ្រឿង, iPad mini3 01គ្រឿង, iPad mini1 គ្រឿង ។
ពេលនេះ ជនសង្ស័យសមត្ថកិច្ចមិនទាន់ចាប់បានទេ កំពុងធ្វើការស្រាវជ្រាវដើម្បីចាប់ខ្លួនមកផ្តន្ទាទោសទៅតាមផ្លូវច្បាប់។ តាមការត្រួតពិនិតរបស់សមត្ថកិច្ច ចោរបានធ្វើសកម្មភាពគាស់ផ្នែកខាងក្រោយផ្ទះ ហើយមានគ្នាតែម្នាក់គត់ ព្រោះហាងទូរស័ព្ទដៃខាងលើមានកាមេរ៉ាសុវត្ថិភាពចាប់បានរូបភាពចោរនោះផងដែរ គឺមានពាក់ម៉ាស់មុខ។ សមត្ថកិច្ចសង្ឃឹមថា ជននេះមិនអាចគេចខ្លួនបានយូរនោះទេ៕
ចែករំលែកព័តមាននេះ