ខេត្តព្រះវិហារ ៖ បុរសម្នាក់ឈ្មោះ អឿន អុន ភេទប្រុស អាយុ៤០ឆ្នាំ ត្រូវបានឃាតករសម្លា.ប់កាត់ក្បាលនៅក្នុងចម្ការ ស្ថិតក្នុងភូមិស្វាយបាត ឃុំរំដោះ ស្រុករវៀង ខេត្តព្រះវិហារ សង្ស័យពាក់ព័ន្ធនឹងរឿងគំនុំ ។
ខេត្តព្រះវិហារ ៖ បុរសម្នាក់ឈ្មោះ អឿន អុន ភេទប្រុស អាយុ៤០ឆ្នាំ ត្រូវបានឃាតករសម្លាប់កាត់ក្បាលនៅក្នុងខ្ទមចាំចម្ការ ស្ថិតក្នុងភូមិស្វាយបាត ឃុំរំដោះ ស្រុករវៀង ខេត្តព្រះវិហារ សង្ស័យពាក់ព័ន្ធនឹងរឿងគំនុំ ។
តាមការឲ្យដឹងពីសមត្ថកិច្ចនគរបាលប៉ុស្តិ៍ស្វាយបាត បានឲ្យដឹងនៅព្រឹកថ្ងៃទី២៩ មិថុនានេះថា ជនរងគ្រោះឈ្មោះ អឿន អុន ខាងលើមានស្រុកកំណើតនៅភូមិត្រពាំងផ្លុង ស្រុកពញាក្រែក ខេត្តត្បូងឃ្មុំ មករស់នៅ ធ្វើស្រែចម្ការ ក្នុងភូមិ-ឃុំកើតហេតុខាងលើត្រូវបានជនដៃដល់ប្រើកាំបិតខ្វាវកាប់សម្លាប់ និងកាត់ក្បាល ខណៈពេលដែលជនរងគ្រោះដេកចាំចម្ការនៅក្នុងខ្ទម កាលពីវេលាម៉ោង៨យប់ថ្ងៃទី២៧ មិថុនា ២០១៥ បន្ទាប់មកជនដៃដល់បានរត់គេចខ្លួនបាត់ ។
សមត្ថកិច្ចបន្តថា ករណីឃាតកម្មនេះ តាមការសន្និដ្ឋាន អាចមកពីរឿងគំនុំ ។
សូមបញ្ជាក់ផងដែរ មកដល់ពេលនេះសមត្ថកិច្ចបានឃាត់ខ្លួនជនសង្ស័យ២នាក់ នៅថ្ងៃទី២៨ មិថុនា ២០១៥ ដើម្បីនាំខ្លួនមកសាកសួរនៅស្នងការដ្ឋាននគរបាលខេត្តព្រះវិហារនៅព្រឹកថ្ងៃទី២៩ មិថុនានេះ ។ ជនសង្ស័យមានឈ្មោះ អ៊ួ ឧត្តម ភេទប្រុស អាយុ១៨ឆ្នាំ មានស្រុកកំណើតជាមួយជនរងគ្រោះ និងម្នាក់ទៀតឈ្មោះ ធន់ បូរី អាយុ១៦ឆ្នាំ ស្រុកកំណើតនៅភូមិតាំងគោក ស្រុកបារាយណ៍ ខេត្តកំពង់ធំ មកស្នាក់បណ្តោះអាសន្ន និងធ្វើចម្ការនៅភូមិ-ឃុំកើតហេតុខាងលើ ៕
ចែករំលែកព័តមាននេះ