ខេត្តកំពង់ស្ពឺ ៖ ស្ត្រីចំណាស់ម្នាក់ត្រូវគេប្រទះឃើញដេកស្លាប់ក្នុងចម្ការស្វាយខាងក្រៅភូមិប្រហែល៣៥០ម៉ែត្រ បង្កឱ្យភ្ញាក់ផ្អើលកាលពីវេលាម៉ោង០៨ និង៣០នាទីព្រឹកថ្ងៃទី៣០ ឧសភា ២០១៥ នេះ ស្ថិតនៅចំណុចភូមិតាសាល ឃុំទ័ពមាន ស្រុកសំរោងទង ខេត្តកំពង់ស្ពឺ ខណៈស្ត្រីរងគ្រោះត្រូវបានគេដឹងថា បានមកចូលរួមក្នុងពិធីភ្ជាប់ពាក្យចៅរបស់ខ្លួន ។
ប្រភពបានឱ្យដឹងថា ស្ត្រីរងគ្រោះឈ្មោះផាត អាត អាយុ៤៥ឆ្នាំ ជាមនុស្សមានសតិមិនល្អទេ មានទីលំនៅក្នុងភូមិត្រពាំងលើក សង្កាត់ច្បារមន ក្រុងច្បារមន ខេត្តកំពង់ស្ពឺ ។
ប្រភពបន្តថា មុនពេលប្រទះឃើញសពស្ត្រីរងគ្រោះ ត្រូវបុរសក្នុងភូមិម្នាក់បានដើរទៅរកបេះផ្លែស្វាយ ក៏ស្រាប់តែប្រទះឃើញស្ត្រីរងគ្រោះដេកស្លាប់ ក៏រត់ទៅរាយការណ៍ទៅនរគបាលមូលដ្ឋាន ដើម្បីធ្វើកោសល្យវិច័យ ។ បន្ទាប់ពីពិនិត្យរួច មិនមានឃើញស្លាកស្នាមអ្វីលើដងខ្លួនទេ ហើយត្រូវបានកំណត់ថា ស្ត្រីរងគ្រោះអាចស្លាប់ដោយសារកើតជំងឺខ្យល់.គរ ។
ចែករំលែកព័តមាននេះ