ខេត្តកោះកុង ៖ទីបំផុតទៅសំណុំរឿងវាយសម្លាប់ស្រ្តីចំណាស់ម្នាក់ប្លន់យកគ្រឿងអលង្ការ២តម្លឹងនៅសង្កាត់ដងទង់ ក្រុងខេមរភូមិន្ទកាលពីថ្ងៃម្សិលមិញបានត្រូវបំបែក បន្ទាប់ពីសមត្ថកិច្ចស្រាវជ្រាវជាច្រើនម៉ោងឈានទៅឃាត់ខ្លួនកូនស្រីបង្កើតរបស់ស្រ្តីរងគ្រោះនិងសង្សារនៅរសៀលថ្ងៃទី២៩ ឧសភានេះ ។
គួររំលឹកថា ស្រ្តីចំណាស់ម្នាក់បានស្លាប់ភ្លាមៗនៅក្នុងផ្ទះរបស់ខ្លួន ដោយសារចោរប្លន់កាប់លើផ្ទៃមុខជាច្រើនពូថៅ និងផុងលលាដ៍ខាងឆ្វេងរួចដោះយកខ្សែដៃប្លាទីនទម្ងន់១តម្លឹង និង ខ្សែកបា្លទីនទម្ងន់១តម្លឹង គេចខ្លួនដោយសុវត្ថិភាព ។
ហេតុការណ៍នេះ បានកើតឡើងនៅចន្លោះម៉ោង១០ដល់ម៉ោង១១ថ្ងៃត្រង់ថ្ងៃទី២៨ ឧសភា ២០១៥ នៅក្នុងភូមិ៤ សង្កាត់ដងទង់ ក្រុងខេមរភូមិន្ទ ។
ស្រ្តីរងគ្រោះឈ្មោះ ម៉េង សៃ អាយុ៥៣ឆ្នាំ រស់នៅក្នុងភូមិ-សង្កាត់កើតហេតុខាងលើ ។ បន្ទាប់ពីហេតុការណ៍ភ្លាមៗ ដំបូងឡើយសមត្ថកិច្ចបានដាក់ការសង្ស័យលើយុវជនម្នាក់ជាសង្សាររបស់ចៅស្រីស្រ្តីរងគ្រោះ ព្រោះយុវជននេះចេញចូលផ្ទះនេះជាញឹកញាប់ ហើយឆ្លៀតឱកាសស្រ្តីរងគ្រោះនៅម្នាក់ឯងក៍ធ្វើសកម្មភាពតែម្តង តែតាមពិតមិនមែនសង្សារចៅស្រីទេគឺសង្សារកូនស្រីបង្កើតរបស់ជនរងគ្រោះ។
ព័ត៌មានលម្អឹតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ