មនុស្សប្រមាណជា២០.០០០នាក់ កាលពីថ្ងៃទី២៧ ឧសភាបាននាំគ្នាចាកចេញពីលំនៅឋាននៅទីក្រុងកូឡូញប្រទេសអាល្លឺម៉ង់ដើម្បីកាយយកគ្រាប់បែកមួយគ្រាប់សម័យសង្គ្រាមលោកលើកទី២ ។ នេះជាការជម្លៀសមនុស្សចេញច្រើនបំផុតពីទីក្រុងនោះចាប់តាំងពីឆ្នាំ១៩៤៥មក ។
បណ្តាសាលារៀនត្រូវបិទទ្វារចរាចរណ៍ផ្លូវគោកនិងផ្លូវទឹកត្រូវផ្អាក ហើយមនុស្ស២០.០០០នាក់ត្រូវបង្ខំចាកចេញពីលំនៅឋាន ។
ថ្ងៃទី២៧ ឧសភានោះ ប្រជាជនក្រុងកូឡូញរំលឹកដល់រឿងសង្គ្រាមកាលពី៧០ឆ្នាំមុន ។ គ្រាប់បែកធំនោះត្រូវបានរកឃើញតាំងពីថ្ងៃទី២៣ ឧសភាមកពេលមានការងាររៀបចំសម្រាប់ការកសាងបំពង់បណ្តេញកម្តៅមួយនៅតាមមាត់ច្រាំងខាងឆ្វេងនៃទន្លេ RHRIN ជិតស្ពាន MULHEIMER ។ នេះជាការជម្លៀសមនុស្សចេញយ៉ាងច្រើននៅទីក្រុងនាភាគខាងលិចអាល្លឺម៉ង់នោះចាប់តាំងពីឆ្នាំ១៩៤៥មក ។
គ្រាប់បែកទម្ងន់ដល់២តោននោះជាគ្រាប់បែករបស់អាមេរិកត្រូវបានយកចេញនាវេលាម៉ោង១និង៣០នាទីម៉ោងក្នុងស្រុក ហើយប្រជាជនអាចវិលចូលលំនៅឋានវិញនាចុងរសៀល ។
សាលាក្រុងកូឡូញសម្តែងការអបអរសាទរដែលគ្រាប់បែកត្រូវបានយកចេញដោយជោគជ័យ ៕
ចែករំលែកព័តមាននេះ