រាជធានីភ្នំពេញ_ខេត្តកណ្តាល ៖ ប្រភពព័ត៌មានបានឱ្យដឹងថា កាលពីវេលាព្រឹកថ្ងៃទី២៨ ឧសភា ២០១៥ សមត្ថកិច្ចនគរបាល និងកម្លាំងកងរាជអាវុធហត្ថរាជធានីភ្នំពេញ បានសហការគ្នាចុះទៅដកហូតយករថយន្តរបស់ជនរងគ្រោះ ដែលត្រូវក្រុមចោររឹត.កសម្លាប់ច្រកបាវយកទៅទម្លាក់ចោលនៅមាត់ប្រឡាយទឹក ក្នុងភូមិអូបែកក្អម សង្កាត់ទឹកថ្លា ខណ្ឌសែនសុខ រាជធានីភ្នំពេញ ដែលពេលនេះទទួលបានព័ត៌មានថា រថយន្តជនរងគ្រោះត្រូវបានក្រុមឃាតករយកទៅដាក់បញ្ចាំនៅកាស៊ីណូមួយកន្លែងនៅព្រំប្រទល់ប្រទេសវៀតណាម និងខេត្តកណ្តាល ។
ប្រភពព័ត៌មានបានឱ្យដឹងទៀតថា បេសកកម្មនោះ ខាងនគរបាលដឹកនាំកម្លាំងដោយលោកវរសេនីយ៍ទោ អេង សោភា ប្រធានការិយាល័យនគរបាលព្រហ្មទណ្ឌកម្រិតធ្ងន់រាជធានីភ្នំពេញ និងមន្ត្រីជំនាញមួយក្រុមខាងកងរាជអាវុធហត្ថ ដឹកនាំដោយលោកវរសេនីយ៍ឯក គង់ សន្ថារិន ប្រធានការិយាល័យប្រឆាំងបទល្មើសព្រហ្មទណ្ឌកងរាជអាវុធហត្ថលើផ្ទៃប្រទស និងលោកវរសេ នីយ៍ទោ ផាន់ ដារ៉ាវុធ អនុប្រធានមន្ទីរស្រាវជ្រាវព័ត៌មាន និងសន្តិសុខ កងរាជអាវុធហត្ថរាជធានីភ្នំពេញ ក្នុងនោះក៏មានការសម្រប សម្រួលពីសំណាក់ស្ថាប័នអយ្យការអមសាលាដំបូងរាជធានីភ្នំពេញផងដែរ ។
ពេលព្រឹកសមត្តកិច្ចទាំង២ក្រុម បានជួបជុំគ្នានៅស្នងការដ្ឋាននគរបាលខេត្តកណ្តាល រួចបន្តដំណើរឆ្ពោះទៅកាន់តំបន់កាស៊ីណូជ្រៃធំ ជាប់ព្រំប្រទាល់ប្រទេសវៀតណាមឡុង ប៊ិន ។
ម៉ោងប្រមាណ២រសៀលថ្ងៃដដែល ក្រុមបេសកកម្មបានទៅដល់គោលដៅ និងបានទទួលទានអាហារថ្ងៃត្រង់ មិនទាន់ធ្វើការតាមជំនាញភា្លមទេ លុះដល់ម៉ោង៣រសៀល ក្រុមប្រតិបត្តិការបានចាប់ដំណើរការតាមនិតិវិធី ។ ពេលនោះសមត្ថកិច្ចត្រូវការស្រាវជ្រាវរកអ្នកទទួលបញ្ចាំតាមព័ត៌មាន ដែលសមត្ថកិច្ចក្តាប់បាន ពេលបានជួបអ្នកទទួលបញ្ចាំហើយ គេមិនទាន់បានប្រាប់ថា រថយន្តនោះនៅទីណាភ្លាមទេ តែគេបានប្រាប់ថា បានទទួលបញ្ចាំរថយន្តកាមរី២០០៧ ១គ្រឿងមែន ក្នុងតម្លៃ៥.០០០ដុល្លារអាមេរិក ។ ពេលទទួលព័ត៌មានថា រថយន្តជនរងគ្រោះស្ថិតនៅលើដៃអ្នកបញ្ចាំនោះហើយ សមត្ថកិច្ចបានប្រើប្រាស់ថវិកាចំនួន៥០០០ដុល្លារ ធ្វើជាធ្នាក់ ដើម្បីលោះយករថយន្តវិញ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ