ខេត្តបន្ទាយមានជ័យ ៖ សាកសពស្ត្រីម្នាក់ ត្រូវគេប្រទះឃើញចង.កធ្វើអត្តឃាតចោលប្តី ព្រោះតែតូចចិត្តកើតជំងឺសរសៃប្រសាទមើលមិនជា ដែលហេតុការណ៍នេះបង្កឱ្យភ្ញាក់ផ្អើលកាលពីវេលាម៉ោង១១ និង៣០នាទីយប់ថ្ងៃទី២៧ ឧសភា ២០១៥ ស្ថិតនៅភូមិពន្លៃចាស់ ឃុំទ្រាស ស្រុកស្វាយចេក ខេត្តបន្ទាយមានជ័យ ។
ប្រភពបានឱ្យដឹងថា ស្ត្រីរងគ្រោះឈ្មោះចាន់ ភក្ត្រា អាយុ២៨ឆ្នាំ មានទីលំនៅភូមិពន្លៃ ឃុំទ្រាស ស្រុកស្វាយចេក ខេត្តបន្ទាយមានជ័យ ។
បើតាមការរៀបរាប់ពីបុរសជាប្តីបានឱ្យដឹងថា រូបគាត់និងប្រពន្ធមិនដែលមានទំនាស់ពាក្យសម្តីនឹងគ្នាទេ ហើយគាត់បានរៀបការតាំងពីឆ្នាំ២០០៧ មកម្ល៉េះ តែគ្មានកូនទេ ។ ហើយ១ឆ្នាំកន្លងទៅនេះ ប្រពន្ធរបស់បានធ្លាក់ខ្លួនក្លាយជាមនុស្សសរសៃប្រសាទ ពេលខ្លះប្រពន្ធដើរបាត់ពីផ្ទះ ហើយគាត់ជាប្តី និងសាច់ញាតិបានដើររក ជួនកាលឃើញដេកក្នុងដុប ។
នៅយប់កើតហេតុ ក្រោយពីហូបបាយហើយ គាត់បានទៅដើរអង្គុយលេងផ្ទះអ្នកជិតខាង ពេលត្រឡប់មកវិញ ស្រាប់តែបាត់ប្រពន្ធ ក៏ដើររក ព្រមទាំងឱ្យអ្នកជិតខាងជួយដើររក ស្រាប់តែប្រទះឃើញចង.កធ្វើអត្តឃាតនៅនឹងធ្នឹមរោងម៉ាស៊ីនកិនស្រូវខាងក្រោយផ្ទះ មិនដឹងជាស្លាប់ពីពេលណានោះទេ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ