ចៅក្រមសាលាដំបូងខេត្តរតនគិរី ចេញដីកាឃាត់ខ្លួនបុរសម្នាក់តាំងខ្លួនជាឧកញ៉ា
ខេត្តរតនគិរី៖ ចៅក្រមសាលាដំបូងខេត្ត លោកស្រី ជ័យ មាលា បានចេញដីកាឃាត់ខ្លួនបុរសម្នាក់ដែលតាំងខ្លួនឯងជាឧកញ៉ា កាលពីព្រឹកថ្ងៃទី២៧ ឧសភា ឆ្នាំ២០១៥
ខេត្តរតនគិរី៖ ចៅក្រមសាលាដំបូងខេត្ត លោកស្រី ជ័យ មាលា បានចេញដីកាឃាត់ខ្លួនបុរសម្នាក់ដែលតាំងខ្លួនឯងជាឧកញ៉ា កាលពីព្រឹកថ្ងៃទី២៧ ឧសភា ឆ្នាំ២០១៥
ខេត្តរតនគិរី៖ ចៅក្រមសាលាដំបូងខេត្ត លោកស្រី ជ័យ មាលា បានចេញដីកាឃាត់ខ្លួនបុរសម្នាក់ដែលតាំងខ្លួនឯងជាឧកញ៉ា កាលពីព្រឹកថ្ងៃទី២៧ ឧសភា ឆ្នាំ២០១៥ ស្ថិតនៅភូមិទេសអន្លុង សង្កាត់បឹងកន្សែង ក្រុងបានលុង ។ យោងតាមកំណត់ហេតុ កម្លាំងកងរាជអាវុធហត្ថក្រុងបានលុងបានឲ្យដឹងថា បុរសដែលតាំងខ្លួនជាឧកញ៉ា ជាប់ចោទករណីឆបោក និងក្លែងបន្លំឯកសារសាធារណៈ ។
លោកវរសេនីយ៍ត្រី ហៃ វណ្ណារ៉ា មេបញ្ជាការកងរាជអាវុធហត្ថក្រុងបានលុង ប្រាប់ឲ្យដឹងថា កម្លាំងរបស់លោកអនុវត្តតាមដីកាដែលចេញដោយលោកស្រី ជ័យ មាលា ចៅក្រមសាលាដំបូងខេត្ត បង្គាប់ឲ្យចាប់ខ្លួនបុរសឈ្មោះ ធី ហួត អាយុ៣៥ឆ្នាំ មុខរបរមិនពិតប្រាកដ មានស្រុកកំណើត នៅឃុំមេមង ស្រុកមេមុត ខេត្តត្បូងឃ្មុំ ។
លោក ហៃ វណ្ណារ៉ា បានបន្តថា ជនសង្ស័យរូបនេះបានដើរតួជាឧកញ៉ាបង្អួតគេឯងក្នុងខេត្តជាយូរមកហើយ ប៉ុន្តែកន្លងមក មិនទាន់ស៊ើបដឹងការពិត ទើបមិនទាន់ឈានដល់ការចាប់ខ្លួន លុះដល់មានដីកាចេញដោយចៅក្រមសាលាដំបូងខេត្ត ទើបមានវិធានការចុះអនុវត្តដីកាឃាត់ខ្លួនជនសង្ស័យខាងលើនេះ ។
សូមបញ្ជាក់ថា ជនសង្ស័យដែលតាំងខ្លួនជាឧកញ៉ានេះ សមត្ថកិច្ចមិនបានបញ្ជាក់ប្រាប់អ្នកសារព័ត៌មានថា ឆបោកអ្នកណាខ្លះ និងសម្ភារអ្វីខ្លះនោះឡើយ ។
ជនសង្ស័យត្រូវបានចៅក្រមបញ្ជាឱ្យឃុំខ្លួនជាបណ្តោះអាសន្ននៅពន្ធនាគារភ្នំស្វាយ នៅព្រឹកថ្ងៃដដែល (២៧ ឧសភា) ដើម្បីស្រាវជ្រាវរកស្ថានទម្ងន់ទោសបន្ថែមចោទលើជននេះទៅតាមផ្លូវច្បាប់ ៕
ចែករំលែកព័តមាននេះ