រាជធានីភ្នំពេញ ៖ កម្មករ កម្មការិនី ប្រមាណ៣០នាក់ ដែលអះអាងថាមកពីរោងចក្របោះពុម្ពហ្វូគួយ ក្រុមហ៊ុនឆាងតុងព្រីនធីង ដែលមានអាសយដ្ឋាន នៅភូមិត្នោតជ្រុំ ផ្លូវទំនប់បឹងទំពុន សង្កាត់បឹងទំពុន ខណ្ឌមានជ័យ
រាជធានីភ្នំពេញ ៖ កម្មករ កម្មការិនី ប្រមាណ៣០នាក់ ដែលអះអាងថាមកពីរោងចក្របោះពុម្ពហ្វូគួយ ក្រុមហ៊ុនឆាងតុងព្រីនធីង ដែលមានអាសយដ្ឋាន នៅភូមិត្នោតជ្រុំ ផ្លូវទំនប់បឹងទំពុន សង្កាត់បឹងទំពុន ខណ្ឌមានជ័យ កាលពីវេលាម៉ោង១០និង៣០នាទីព្រឹកថ្ងៃទី២៧ ឧសភា ដឹកនាំដោយលោក រឹម បូរ៉ា ប្រធានសហព័ន្ធសហជីពកម្មករប្រជាធិបតេយ្យ និងសហព័ន្ធសហជីពជាតិកម្ពុជា ។
ក្រុមកម្មករ កម្មការិនី នាំគ្នាជិះរឺុម៉កម៉ូតូ៣គ្រឿងទៅឈប់នៅមុខអគារសាលាដំបូងរាជធានីភ្នំពេញ ហើយនាំគ្នាទៅឈរនៅផ្លូវម្ខាង ទុកពេលឲ្យលោក រឹម បូរ៉ា ជាតំណាងចូលទៅជួបមន្ត្រីសាលាដំបូង ដើម្បីជំរុញលើពាក្យបណ្តឹងសុំចេញដីការក្សាការពាររបស់ក្រុមកម្មករ ដែលបានប្តឹងចៅកែរោងចក្ររត់ចោលក្រុមហ៊ុនមិនទទួលខុសត្រូវចំពោះប្រាក់ពលកម្មពួកគាត់ ។
ក្រោយពីតំណាងកម្មករចូលជូបមន្ត្រីសាលាដំបូងរួចហើយ លោក រឹម បូរ៉ា បាននាំពាក្យមកប្រាប់ក្រុមកម្មករ កម្មការិនីវិញថា នៅរសៀលថ្ងៃទី២៧ ឧសភា តំណាងអយ្យការអមសាលាដំបូងចុះទៅតាមដីការក្សាការពារអនុវត្តលើពាក្យបណ្តឹងដែលក្រុមកម្មករបានប្តឹងនោះហើយ នេះបើតាមក្រុមកម្មករនិយាយប្រាប់អ្នកសារព័ត៌មាននៅមុខសាលាដំបូងរាជធានីភ្នំពេញ ។
ក្រោយពីទទួលបានការរៀបរាប់របស់លោក រឹម បូរ៉ា ក្រុមកម្មករ កម្មការិនីប្រមាណ៣០នាក់នោះ ក៏យល់ព្រមឡើងជិះរ៉ឺម៉កម៉ូតូ ត្រឡប់ទៅវិញ ៕
ចែករំលែកព័តមាននេះ