រាជធានីភ្នំពេញ៖ កម្លាំងប៉េអឹមខណ្ឌពោធិ៍សែនជ័យ ដឹកនាំដោយលោកមេបញ្ជាការ ជឹម ឫទ្ធី បានធ្វើការស្រាវជ្រាវចាប់ខ្លួនក្រុមចោរប្លន់ប្រដាប់អាវុធ និងប្រើប្រាស់គ្រឿងញឿនមួយក្រុមមានគ្នា៦នាក់ និងដកហូត
រាជធានីភ្នំពេញ៖ កម្លាំងប៉េអឹមខណ្ឌពោធិ៍សែនជ័យ ដឹកនាំដោយលោកមេបញ្ជាការ ជឹម ឫទ្ធី បានធ្វើការស្រាវជ្រាវចាប់ខ្លួនក្រុមចោរប្លន់ប្រដាប់អាវុធ និងប្រើប្រាស់គ្រឿងញឿនមួយក្រុមមានគ្នា៦នាក់ និងដកហូតបានគ្រឿងញៀនមួយចំនួន អាវុធខ្លី១ដើម និងវត្ថុតាងមួយចំនួនផ្សេងទៀតផងដែរ បន្ទាប់មកបានបញ្ជូនទៅកាន់ទីបញ្ជាការប៉េអឹមរាជធានីភ្នំពេញដើម្បីកសាងសំណុំរឿងចាត់ការតាមផ្លូវច្បាប់។
ប្រតិបត្តិការនោះបានធ្វើឡើង កាលពីវេលាម៉ោង១០ និង៣០នាទីព្រឹក ថ្ងៃទី២៧ ឧសភា ២០១៥ នៅត្រង់ចំណុចផ្ទះសំណាក់នាគទេព ស្ថិតក្នុងក្រុមទី៣ ផ្លូវបេតុងភូមិត្រពាំងល្វា សង្កាត់កាកាប ខណ្ឌពោធិសែនជ័យ។
មន្ត្រីប៉េអឹមខណ្ឌពោធិ៍សែនជ័យបានឲ្យដឹងថា នៅក្នុងប្រតិបត្តិការបង្ក្រាបជាក់ស្តែងករណីប្រើប្រាស់ ចែកចាយគ្រឿងញៀន និងមុខសញ្ញាប្លន់ និងលួចប្រដាប់អាវុធនេះ កម្លាំងដកហូតបានវត្ថុតាងមួយចំនួនមាន អាវុធខ្លីម៉ាកK៥៩ មួយដើម គ្មានលេខ បង់គ្រាប់ចំនួន១២គ្រាប់, ម្សៅក្រាមស០២កញ្ចប់ធំល្មម, ម៉ូតូមួយគ្រឿងម៉ាកហ្វីណូស្លាកលេខកំពង់ចាម1A-0880 ពណ៌ផ្កាឈូកលាយស, ឧបករណ៍សម្រាប់ប្រើប្រាស់គ្រឿងញៀនមួយចំនួន។
មន្ត្រីដដែលបានបន្តថា ជនសង្ស័យដែលចាប់ខ្លួនបាន១-ឈ្មោះនីម ធី ភេទប្រុស អាយុ២៩ឆ្នាំ ជាម្ចាស់កាំភ្លើងខ្លី ២-ឈ្មោះហេង គឹមស្រៀង ភេទស្រី អាយុ១៧ឆ្នាំ ៣-ឈ្មោះ ផន ស្រីនិច ភេទស្រី អាយុ១៧ឆ្នាំ ៤-ឈ្មោះជា ស្រីលក្ខណ៍ ភេទស្រី អាយុ២២ឆ្នាំ ៥-ឈ្មោះចន្ទ សុផុន ភេទប្រុស អាយុ៣២ឆ្នាំ ៦-ឈ្មោះសេង ហេង ភេទប្រុស អាយុ២០ឆ្នាំ ជនសង្ស័យទាំង៦នាក់នេះស្នាក់នៅក្នុងផ្ទះសំណាក់ខាងលើ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ