ខេត្តត្បូងឃ្មុំ ៖ ក្នុងរដូវបិទនេសាទនេះ ដោយអនុវត្តតាមការណែនាំរបស់លោកឧត្តមសេនីយ៍ត្រី ម៉ៅ ពៅ ស្នងការនគរបាលខេត្ត ដើម្បីលុបបំបាត់នូវឧបករណ៍នេសាទខុសច្បាប់គ្រប់ប្រភេទនោះ បានធ្វើការចុះដកហូតពីប្រជាពលរដ្ឋពីឃុំក្រែក និងឃុំកក់ យក
ខេត្តត្បូងឃ្មុំ ៖ ក្នុងរដូវបិទនេសាទនេះ ដោយអនុវត្តតាមការណែនាំរបស់លោកឧត្តមសេនីយ៍ត្រី ម៉ៅ ពៅ ស្នងការនគរបាលខេត្ត ដើម្បីលុបបំបាត់នូវឧបករណ៍នេសាទខុសច្បាប់គ្រប់ប្រភេទនោះ បានធ្វើការចុះដកហូតពីប្រជាពលរដ្ឋពីឃុំក្រែក និងឃុំកក់ យកមកដុតបំផ្លាញចោល កាលពីរសៀលថ្ងៃទី២៦ ឧសភា ២០១៥ ស្ថិតនៅមុខស្នាក់ការប៉ុស្តិ៍រដ្ឋបាលឃុំកក់ ហើយបានត្រៀមកម្លាំងចុះបើកយុទ្ធនាការបង្ក្រាបជាបន្តទៀតដែរ ។
ប្រភពបានឱ្យដឹងថា ចំពោះឧបករណ៍នេសាទខុសច្បាប់ប្រភេទក្បាលឆក់ ដែលត្រូវដុតបំផ្លាញចោលសរុបទាំងអស់មានចំនួន១៨១គ្រឿង ដែលបានមកពីការដកហូតនៅតាមបណ្តាភូមិ-ឃុំចំនួន២ខាងលើនាពេលកន្លងមក ។ ជាមួយគ្នានោះ ក៏មានបុរសម្នាក់ ដែលមិនរាងចាលនោះ ក៏ត្រូវបានចាប់ខ្លួនបញ្ជូនទៅសាលាដំបូងខេត្តផងដែរ ។
លោកវរសេនីយ៍ត្រី អោម មុនីវណ្ណ អធិការនគរបាលស្រុកពញាក្រែកប្រាប់បន្តថា មានពេលខ្លះប្រជាពលរដ្ឋ បានយកឧបករណ៍ឆក់ទៅធ្វើសកម្មភាពដើរឆក់តាមវាលស្រែ ជាន់សន្ទូងអ្នកដទៃ ត្រូវបានម្ចាស់គេឃើញ ក៏រាយការណ៍មករូបលោក ហើយបានចាត់ឱ្យកម្លាំងក្រោមឪវាទ ចុះទៅបង្ក្រាបជាបន្ទាន់ ប៉ុន្តែគ្រាន់តែឃើញកម្លាំងសមត្ថកិច្ចទៅនោះ ត្រូវជនកំហូចបានទម្លាក់ឧបករណ៍ចោលរត់គេចខ្លួនបាត់ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ