រាជធានីភ្នំពេញ៖ ក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំ ( U23 ) ឈុតស៊ីហ្គេម នឹងត្រូវប្រកួតជាមួយក្រុមបាល់ទាត់អាជីព Naga នៅពហុកីឡដ្ឋានជាតិអូឡំាពិក នាម៉ោង៧យប់ថ្ងៃទី២៦ ឧសភា ២០១៥ ។
បើតាមលោក ឆំាង ពិសិដ្ឋ អ្នកចាត់ការទូទៅក្រុម U23កម្ពុជា នៅល្ងាចថ្ងៃទី២៩ ឧសភា ក្រុមU23 នឹងត្រូវជួបប្រកួតមួយប្រកួតទៀតជាមួយក្រុម Japan Selection Team នៅពហុកីឡដ្ឋានជាតិអូឡំាពិក មុនពេលចេញទៅប្រកួតស៊ីហ្គេមឆ្នាំ 2015 នៅសិង្ហបុរី ។
គួរបញ្ជាក់ថា ក្រុម U 23 កម្ពុជាស្ថិតនៅក្នុងពូល A ហើយនឹងត្រូវប្រកួតជម្រុះជួបក្រុម ហ្វីលីពីន នៅថ្ងៃទី ០៣ មិថុនា , ឥណ្ឌូណេស៊ី នៅថ្ងៃទី០៦ មិថុនា ជួបម្ចាស់ផ្ទះសិង្ហបុរី នៅថ្ងៃទី ០៨ មិថុនា និងចុងក្រោយជួបមីយ៉ាន់ម៉ានៅថ្ងៃទី ១០ មិថុនា ២០១៥ ៕
ចែករំលែកព័តមាននេះ