ខេត្តបន្ទាយមានជ័យ ៖ បុរសចំណាស់ម្នាក់បានរពិសដៃប្រព្រឹត្តអំពើមិនគប្បីមួយ ត្រូវបានតុលាការអនុវត្តតាមនីតិវិធី កាលពីថ្ងៃទី២៥ ឧសភា ២០១៥ ពាក់ព័ន្ធពីបទប្រទូស្តកេរ្តិ៍ខ្មាស់លើក្មេងស្រីអាយុ៣ឆ្នាំម្នាក់ ។
ប្រភពពីនគរបាលការិយាល័យប្រឆាំងការជួញដូរមនុស្ស និងការពារអនីតិជនបានឱ្យដឹងថា ជនសង្ស័យឈ្មោះមាន មឿង អាយុ៥០ឆ្នាំ ជាកម្មករសំណង់ មានស្រុកកំណើតនៅភូមិអូរស្ងួត ឃុំអូរប្រសាទ ស្រុកមង្គលបុរី ស្នាក់នៅភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ខេត្តបាត់ដំបង ។
ប្រភពបន្តថា ជនសង្ស័យរូបនេះ កាលពីវេលាម៉ោង៤រសៀលថ្ងៃទី២៣ ឧសភា ២០១៥ បានធ្វើសកម្មភាពប្រព្រឹត្តអំពើប្រទូស្តកេរ្តិ៍ខ្មាស់ ដោយយកម្រាមដៃលូកប្រដាប់ភេទកុមារីអាយុ៣ឆ្នាំ ខណៈដែលនាងកំពុងដេកនៅក្នុងរោង ។
ប្រភពដដែលបន្តថា តាមការរៀបរាប់បំភ្លឺពីឈ្មោះស៊ិន សុខុន ភេទស្រី អាយុ៤៦ឆ្នាំ ត្រូវជាជីដូនក្មេងរងគ្រោះបាននិយាយថា ចៅស្រីរបស់គាត់ បានដេកនៅក្នុងរោងដែលគាត់លក់អីវ៉ាន់ចាប់ហួយ ហើយគាត់ដេកនៅខាងជញ្ជាំង ។ ពេលនោះគាត់ឮចៅស្រីស្រែកយំ ពេលគាត់មកមើល ក៏ស្រាប់តែឃើញឈ្មោះមាន មឿង ជាជនសង្ស័យកំពុងអង្គុយក្បែរនោះដោយស្រាតខោវែង ដោះអាវនៅតែខោខ្លី ហើយចៅស្រីគាត់បាននិយាយប្រាប់គាត់ថា ឈ្មោះនេះលូកប្រដាប់ភេទនាង ។ បន្ទាប់ពីឮដូច្នោះ គាត់បានស្រែកឆោឡោរកឱ្យគេជួយចាប់ជនល្មើស និងរាយការណ៍សមត្ថកិច្ចនគរបាលចាប់ឃាត់ខ្លួនតែម្តង ។
ចែករំលែកព័តមាននេះ