ការចង់បានខ្យល់បោកបក់ប៉ះនិងសក់របស់អ្នក ឬក៏ល្បឿនខុសពីធម្មតាបានធ្វើឲ្យអ្នកសម្រេចចិត្តទិញម៉ូតូមកប្រើប្រាស់ ។ បើគិតៗទៅវាជាកត្តាមួយដែលធ្វើឲ្យអ្នករីករាយជាមួយនឹងការជិះម៉ូតូដែរ ។
ការចង់បានខ្យល់បោកបក់ប៉ះនិងសក់របស់អ្នក ឬក៏ល្បឿនខុសពីធម្មតាបានធ្វើឲ្យអ្នកសម្រេចចិត្តទិញម៉ូតូមកប្រើប្រាស់ ។ បើគិតៗទៅវាជាកត្តាមួយដែលធ្វើឲ្យអ្នករីករាយជាមួយនឹងការជិះម៉ូតូដែរ ។ ទោះជាយ៉ាងណាក៏នៅមានគុណសម្បត្តិខ្លះ ចំពោះអ្នកប្រើម៉ូតូជាមធ្យោបាយធ្វើដំណើរ ។ ហេតុដូច្នេះហើយមុននឹងទិញគួរពិចារណាពីគុណសម្បត្តិ និងផលវិបាកមួយចំនួនរបស់វាដូចខាងក្រោម ៖
គុណសម្បត្តិ
ចំណាយប្រេងតិច៖ ទោចក្រយានយន្តឬម៉ូតូគឺមានកម្រិតស៊ីប្រេងឥន្ធនៈតិចជាងរថយន្តពិសេសក្នុងការធ្វើដំណើរផ្លូវឆ្ងាយតែម្តង ។ ម្យ៉ាងធុងសាំងម៉ូតូមានចំណុះតិចជាងរថយន្តដូច្នេះវានឹងនាំឲ្យលោកអ្នកចំណាយក្នុងការចាក់សាំងម្តងៗ ។
ថ្លៃជួសជុលថោក៖ ម៉ូតូត្រូវការជួសជុលឬថែទាំតិចជាងរថយន្ត ។ ដែលខុសពីរថយន្តតម្រូវឲ្យមានការថែទាំទៀងទាត់បន្តិច ទើបជាការប្រសើរ ។ ជាងនេះទៅទៀតថ្លៃឈ្នួលជួសជុលក៏មានកម្រិតធូរថ្លៃជាងរថយន្តដែរ ។
ការចត៖ នៅពេលអ្នករស់នៅក្នុងទីក្រុងធំៗ គឺទីតាំងចតយានយន្តមានការកំណត់ ។ ជានិច្ចកាលប្រសិនជាអ្នកមានរថយន្តធំជាងនេះអ្នកប្រាកដជាមិនងាយនឹងស្វែងរកកន្លែងចតឡើយ។តែចំពោះកង់វិញអ្នកអាចចតបាននៅត្រង់ណាក៏បានតាមសេចក្តីត្រូវការ ។
ការធ្វើចរាចរណ៍៖ ជាទូទៅចរាចរណ៍គឺជាបញ្ហាមួយនៅពេលដែលអ្នកត្រូវការទៅកន្លែងណាមួយនោះ ។ ជាមួយនឹងការជ្រើសរើសយកម៉ូតូអ្នកពុំចាំបាច់ទន្ទឹមរង់ចាំក្នុងការបំលាស់ទីឡើយ ខណៈជួបបញ្ហាកកស្ទះម្តងៗ ព្រោះថា ម៉ូតូអាចបើកចូលទៅក្នុងចំណែកផ្លូវតូចៗបានជាជាងអង្គុយរង់ចាំយ៉ាងអន្ទះសាក្នុងរថយន្ត ។
ការបង់ពន្ធផ្លូវនិងលិខិតស្នាមផ្សេងៗធូរថ្លៃ៖ ចំពោះការចុះបញ្ជីនិងបង់ពន្ធផ្លូវសម្រាប់ម៉ូតូគឺមានអត្រាចំណាយធូរថ្លៃជាងរថយន្តច្រើនណាស់ ។
គុណវិបត្តិ
សុវត្ថិភាពផ្ទាល់ខ្លួន៖ សូមគិតបន្តិចមើលថាបើទោះជាមានគុណសម្បត្តិជាច្រើននៅក្នុងការសន្សំសំចៃថវិកាជាមួយនឹងការប្រើប្រាស់ម៉ូតូយ៉ាងណាក្តីវាក៏នៅមានហានិភ័យនៃសុវត្ថិភាពផ្ទាល់ខ្លួនផងដែរ ដែលមិនដូចជារថយន្តទេគឺអ្នកបើកបរម៉ូតូពុំមានទ្វារ ពោងខ្យល់ជញ្ជាំងការពារសុវត្ថិភាពឬក៏កាងការពារផ្នែកចំហៀងពីការប៉ះទង្គិចនិងវត្ថុដទៃ ។
អ្នកបើកបរដទៃ៖ អ្នកបើកបរដទៃដែលស្ថិតនៅលើដងផ្លូវជានិច្ចកាលតែងភ្លេចភ្លាំងខ្លះៗដែរព្រោះថាគាត់ពុំអាចមើលឃើញអ្នកប្រើប្រាស់ផ្លូវដទៃទៀតក្នុងកញ្ចក់មើលក្រោយនិងចំហៀងរបស់ខ្លួនឱ្យសព្វគ្រប់បានទេ ។
ការអង្គុយនិងទីធា្ល៖ ម៉ូតូគឺមានកៅអីដែលកំណត់ជិះឬផ្ទុកបានកម្រិតណា ពិសេសខណៈលោកអ្នកទៅទិញទំនិញអីវ៉ាន់ច្រើនម៉ូតូមិនអាចដឹកអស់នោះឡើយ ម្យ៉ាងការដឹកអ្នកដំណើរក៏ដូច្នោះដែរ ៕
ចែករំលែកព័តមាននេះ