TCC ៖ សេដ្ឋកិច្ចក្នុងស្រុកនឹងកើនឡើង3,5%
បាងកក ៖ សភាពាណិជ្ជកម្មថៃ(TCC)មានការជឿជាក់ថា សេដ្ឋកិច្ចប្រទេសថៃទាំងមូលនឹងកើនឡើងប្រមាណជា៣,៥% ដែលមានការជួយជ្រោមជ្រែងតាមរយៈការពន្លឿននៃការចំណាយរបស់រដ្ឋាភិបាល ។
បាងកក ៖ សភាពាណិជ្ជកម្មថៃ(TCC)មានការជឿជាក់ថា សេដ្ឋកិច្ចប្រទេសថៃទាំងមូលនឹងកើនឡើងប្រមាណជា៣,៥% ដែលមានការជួយជ្រោមជ្រែងតាមរយៈការពន្លឿននៃការចំណាយរបស់រដ្ឋាភិបាល ។
លោក Issara Wongkusonkij ប្រធានសភាពាណិជ្ជកម្មថៃលើកឡើងថា វិស័យឯកជនបានសម្ដែងពីការជឿជាក់មកលើសេដ្ឋកិច្ចរបស់ថៃកាន់តែច្រើនឡើងថែមទៀត។ លោកបានព្យាករទុកថា សេដ្ឋកិច្ចក្នុងស្រុកអាចនឹងកើនឡើងប្រហែលជា៣,៥% ស្របពេលស្ថានការណ៍នឹងវិលទៅរកភាពប្រសើរឡើងក្នុងឆមាសក្រោយ ។ ជាងនេះទៅទៀត លោកមានទំនុកចិត្តថា សេដ្ឋកិច្ចជាតិនឹងត្រូវបានលើកទឹក ចិត្តឬមានកម្លាំងរុញច្រានកាន់តែខ្លាំង ខណៈពេលការចាយវាយថវិការដ្ឋបានបញ្ចប់ ។
ជាមួយគ្នានោះដែរ សមាជិកសភាពាណិជ្ជកម្មមកពី៥តំបន់ទូទាំងប្រទេសថៃបានបន្ថែមថា ស្ថានការណ៍នោះបានប្រសើរឡើងក្នុងចំណែកនៃការពង្រីកការវិនិយោគ និងឧស្សាហកម្ម ក៏ដូចជាការប្រមូលពន្ធបន្ថែមលើថ្លៃទំនិញ ។ ចំណែកឧស្សាហកម្មទេសចរណ៍បានកើនឡើងក្នុងលក្ខណៈឡើងចុះៗចន្លោះ២៣-២៤%ក្នុងត្រីមាសដំបូងឆ្នាំ២០១៥នេះ ៕
ចែករំលែកព័តមាននេះ