រាជធានីភ្នំពេញ ៖ នៅវេលាម៉ោង៧ និង៣០នាទីព្រឹក ថ្ងៃទី២៦ ឧសភា នេះ ពុទ្ធបរិស័ទចំណុះជើងវត្តក្រពុំពេជ្រ ស្ថិតក្នុងសង្កាត់កោះដាច់ ខណ្ឌជ្រោយចង្វារបានលើកគ្នាទៅក្រសួងធម្មការ បន្ទាប់ពីក្រសួងបានកោះនិមន្តព្រះសង្ឃ និងគណៈកម្មការវត្តទៅដោះស្រាយអធិករណ៍ដែលកើតឡើងក្នុងវត្ត។
តាមការឱ្យដឹងពីអាជ្ញាធរបានឱ្យដឹងថា វត្តក្រពុំពេជ្រនេះកើតមានទំនាស់គ្នារ៉ាំរ៉ៃជិត១០ឆ្នាំហើយរវាងព្រះសង្ឃ និងព្រះសង្ឃ គណៈកម្មការវត្ត និងគណៈកម្មការវត្ត ហើយបានធ្វើឱ្យវត្តបែងចែកជា២ រហូតដល់មានការចាក់សោបិទព្រះវិហារមិនឱ្យហែកឋិនចូលអស់រយៈពេលជិត៣ឆ្នាំ ទើបតែត្រូវអាជ្ញាធរខណ្ឌជ្រោយចង្វារដឹកនាំដោយលោកឃ្លាំង ហួត ចុះសម្របសម្រួលបើកឱ្យដំណើរការវិញកាលពីឆ្នាំកន្លងមក។
ទោះបីជាមានការសម្របសម្រួលពីអាជ្ញាធរយ៉ាងណាក៏ដោយក៏នៅតែមានភាពចម្រូងចម្រាស់រហូតដល់សព្វថ្ងៃ ទើបក្រសួងធម្មការកោះនិមន្ត និងអញ្ជើញព្រះសង្ឃ និងគណៈកម្មការវត្តចូលទៅដោះស្រាយ ហើយពុទ្ធបរិស័ទក៏លើកគ្នាទៅតាមព្រះសង្ឃ និងគណៈកម្មការវត្តតែម្តង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ