កីឡាករ Sergio Aguero របស់ក្លិបMan City ទទួលបានស្បែកជើងមាស
កីឡាករខ្សែប្រយុទ្ធសញ្ជាតិអាហ្សង់ទីនវ័យ២៦ឆ្នាំ Sergio Aguero បច្ចុប្បន្នលេងឱ្យក្លិបមេឃខៀវ Man Cityបានទទួលពានរង្វាន់ស្បែកជើងមាសប្រចាំឆ្នាំ២០១៥ (Golden Boot 2015)
កីឡាករខ្សែប្រយុទ្ធសញ្ជាតិអាហ្សង់ទីនវ័យ២៦ឆ្នាំ Sergio Aguero បច្ចុប្បន្នលេងឱ្យក្លិបមេឃខៀវ Man Cityបានទទួលពានរង្វាន់ស្បែកជើងមាសប្រចាំឆ្នាំ២០១៥ (Golden Boot 2015) ក្រោយពីរកគ្រាប់បាល់បាន២៦ គ្រាប់ឱ្យក្លិបស្ថិតក្នុងក្របខ័ណ្ឌប្រឺមីញ៉េលីក ។
ការរកគ្រាប់បាល់នេះបានធ្វើឱ្យកីឡាករ Sergio Aguero យកឈ្នះកីឡាករ Harry Kane របស់ក្លិបមាន់ខ្នាយមាស Tottenham Hotspur ដែលរកគ្រាប់បាល់បាន២១ គ្រាប់និង កីឡាករ Diego Costa ក្លិបតោខៀវ Chelsea ដែលរកបាន២០គ្រាប់ ។
ក្នុងទឹកមុខរីករាយដោយឱបពានរង្វាន់ស្បែកជើងមាសនៅឯពហុកីឡាដ្ឋាន Etihad Stadium កីឡាករSergio Aguero និយាយថា៖«ខ្ញុំពិតជា សប្បាយចិត្តណាស់ដែលបានទទួលពានរង្វាន់ ស្បែកជើងមាស (GoldenBoot) ប្រចាំឆ្នាំ ២០១៥ ។ ពានរង្វាន់នេះនឹងធ្វើឱ្យរូបខ្ញុំកាន់តែពង្រីកសមត្ថភាពក្នុងការលេងកាន់តែល្អប្រសើរឡើង» ។ ទោះជាយ៉ាងណាក៏ដោយគ្រាប់បាល់របស់កីឡាករវ័យ២៦ឆ្នាំនេះនៅតែមិនទាន់គ្រប់គ្រាន់នៅឡើយទេសម្រាប់ការចង់បានរបស់ក្លិបដែលឈរនៅលំដាប់ទី២ បន្ទាប់ពីក្លិប Chelsea ៕
ចែករំលែកព័តមាននេះ