រាជធានីភ្នំពេញ ៖ គ្រោះថ្នាក់ចរាចរណ៍មួយបានកើតឡើង ខណៈរថយន្តដឹកប្រេងមួយគ្រឿងបានក្រឡាប់ បន្ទាប់ពីបុកជាមួយរថយន្តឡិចស៊ីស RX300 ពណ៌.ស បណ្តាលអ្នកបើកបររងរបួសធ្ងន់ ចំណែកឯរថយន្តក្រពិតផ្នែកខាងមុខ ដែលហេតុការណ៍នេះកើតឡើងកាលពីវេលាម៉ោង០១ និង៣០នាទីរសៀលថ្ងៃទី២៥ ឧសភា ២០១៥ នេះ ស្ថិតនៅចំណុចផ្លូវជាតិលេខ០៤ ក្នុងភូមិផ្សារកំបូល សង្កាត់កំបូល ខណ្ឌពោធិ៍សែនជ័យ ។
ប្រភពបានឱ្យដឹងថា ជនរងគ្រោះមិនត្រូវស្គាល់អត្តសញ្ញាណនោះទេ ត្រូវបានគេដឹកបញ្ជូនទៅសង្គ្រោះនៅមន្ទីរពេទ្យបាត់ ។ ចំណែកអ្នកបើកបរថយន្តដឹកប្រេងវិញបានដាក់មេប្រូចបាត់ បន្ទាប់ពីបង្កហេតុរួច ដោយបន្សល់ទុករថយន្តដឹកប្រេងនៅនឹងកន្លែងកើតហេតុ ។ បច្ចុប្បន្នសមត្ថកិច្ចកំពុងធ្វើការត្រួតពិនិត្យ និងដោះស្រាយនៅកន្លែងកើតហេតុផងដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ