ខេត្តកោះកុង ៖ មន្ត្រីមួយក្រុមនៅសាលាខេត្តកោះកុង ប្រាប់តាមរយៈកោះសន្តិភាពថា មន្ទីរព័ត៌មានខេត្តស្ងាត់ៗលក់ដីអស់ជិតមួយចំហៀងឱ្យឯកជន ដោយអត់មានដេញថ្លៃជាសាធារណៈសោះ ។ ដីនោះមានក្បាលបណ្តោយតាមផ្លូវ១០០ម៉ែត្រ ជម្រៅ៩០ម៉ែត្រ កាត់លក់អស់ក្បាល៤០ម៉ែត្រ ជម្រៅ៩០ម៉ែត្រ ដែលខ្លះថា បានជិត១លានដុល្លារ ខ្លះទៀតថា ជាង១លានដុល្លារ ។
ប្រភពដដែលប្រាប់ថា ដោយសារលក់ស្ងាត់ៗមិនអាចដឹងពីចំនួនលក់ពិតប្រាកដនៅឡើយទេ ហើយក៏មិនដឹងថា ក្រុមហ៊ុនណាមួយជាអ្នកទិញដែរ ។
មន្ត្រីដដែលប្រាប់តាមទូរស័ព្ទថា ពួកគេបានសួរទៅមន្ត្រីនៅមន្ទីរព័ត៌មានដែរ ប៉ុន្តែគ្មានមន្ត្រីណាមួយហ៊ាននិយាយទេ ហើយពួកគេក៏មិនអាចធ្វើរបាយការណ៍ដាក់ជូនថ្នាក់ខេត្តជ្រាបបានដែរ ព្រោះជាការសម្ងាត់ពេក ។
ពួកគេថា បើលក់ដោយដេញថ្លៃ ទើបមិនមានអ្វីសង្ស័យលើបញ្ហាពុករលួយ ៕
ចែករំលែកព័តមាននេះ