ខេត្តកំពង់ស្ពឺ ៖ បុរសជាអ្នកបើកបររថយន្តដឹកអុសម្នាក់ស្រវឹងស្រាបានបើករថយន្តបុករះផ្ទះលក់ចាប់ហួយបណ្តាលឱ្យខូចខាតអីវ៉ាន់អស់មូយចំនួនធំ កាលពីវេលាម៉ោង២ និង៣០នាទីរសៀល
ខេត្តកំពង់ស្ពឺ ៖ បុរសជាអ្នកបើកបររថយន្តដឹកអុសម្នាក់ស្រវឹងស្រាបានបើករថយន្តបុករះផ្ទះលក់ចាប់ហួយបណ្តាលឱ្យខូចខាតអីវ៉ាន់អស់មូយចំនួនធំ កាលពីវេលាម៉ោង២ និង៣០នាទីរសៀល នៅផ្លូវ៤៤ ចំណុចរង្វង់មូលផ្សារកន្ទួត ឃុំសង្កែសាទប ស្រុកឱរ៉ាល់ ។
ប្រភពពីប្រជាពលរដ្ឋបានឱ្យដឹងថា មុនពេលកើតហេតុ គេបានឃើញរថយន្តបង្កម៉ាកតូពិច ពណ៌ខៀវលាយលឿង ពាក់ស្លាកលេខកំពង់ស្ពឺ2A 1772 ចេញដំណើរពីស្ពានដែកមកកាត់ខាងកើតរង្វង់មូលផ្សារកន្ទួតស្រាប់តែមកដល់កន្លែងកើតហេតុបានរេចង្កូតបុករះតូបលក់ផ្លែឈើនៅចិញ្ចើមផ្លូវ និងបានបុករះចូលដល់ក្នុងផ្ទះបណ្តាលឱ្យសរសរានហាលបាក់បែកទាំងស្រុង ព្រមទាំងអីវ៉ាន់ចាប់ហួយមួយចំនួនធំផងដែរ តែមិនបណ្តាលឱ្យគ្រោះថ្នាក់ដល់មនុស្សឡើយ។
លោកវរសេនីយ៍ត្រីប៑ុតប៊ុន ធឿន អធិការនគរបាលស្រុកឱរ៉ាល់បានឱ្យដឹងថា អ្នកបើកបរឈ្មោះប៉ិច ចាន់ ភេទប្រុស អាយុ២៣ឆ្នាំ មានទីលំនៅភូមិពេជ្រសង្វា សង្កាត់ច្បារមន ក្រុងច្បារមន ត្រូវសមត្ថកិច្ចឃាត់ខ្លួនភ្លាមៗក្រោយបង្កហេតុរួច៕
ចែករំលែកព័តមាននេះ