រាជធានីភ្នំពេញ ៖ ជនជាតិបរទេស៣នាក់ដែលជាបក្ខពួករបស់សេដ្ឋីរុស្ស៊ី លោក ប៉ូឡុនស្គី បានត្រូវក្រសួងមហាផ្ទៃបញ្ជូនទៅកាន់ប្រទេសរុស្ស៊ីវិញហើយនៅម៉ោង២និង៣០នាទីរសៀលថ្ងៃទី២២ ឧសភា ២០១៥នេះ ។
កាលពីសបា្តហ៍មុន លោក ស៊ែរហ្ស៊េ ប៉ូឡុនស្គី សេដ្ឋីរុស្ស៊ីដែលវិនិយោគកោះពស់និងមានរឿងអាស្រូវជាច្រើនរាប់ទំាងរឿងអាស្រូវផ្លូវភេទ និង ចាប់បង្ខំាងកម្មករខ្មែរផងនោះ បានត្រូវរាជរដ្ឋាភិបាលបញ្ចូនទៅប្រទេសរុស្ស៊ីវិញ តាមសំណើរបស់រដ្ឋាភិបាលរុស្ស៊ី ។
ជនបរទេសទំាង៣នាក់ដែលជាបក្ខពួករបស់សេដ្ឋីរុស្ស៊ី និងត្រូវបានបញ្ជូនចេញពីកម្ពុជានៅរសៀលថ្ងៃសុក្រនេះរួមមាន៖ ឈ្មោះ Kunnet alekse , Archakov Umar និង Kotelnikov Roman ។
បើតាមអគ្គនាយកដ្ឋានអន្តោប្រវេសន៍បានឲ្យដឹងថា ជនបរទេសទំាង៣នាក់ខាងលើ ម្នាក់ត្រូវបានចាប់ខ្លួននៅរាជធានីភ្នំពេញ និង ២នាក់ទៀតចាប់ខ្លួននៅខេត្តព្រះសីហនុ ៕
ចែករំលែកព័តមាននេះ