ខេត្តកំពង់ធំ ៖ យុទ្ធភ័ណ្ឌមិនទាន់ផ្ទុះមួយចំនួនត្រូវបានកំលាំងសមត្ថកិច្ចនៃអធិការដ្ឋាននគរបាលស្រុកប្រាសាទសំបូរ ខេត្តកំពង់ធំ ប្រគល់ឲ្យស៊ីម៉ាក់យកទៅកំទេចចោល
ខេត្តកំពង់ធំ ៖ យុទ្ធភ័ណ្ឌមិនទាន់ផ្ទុះមួយចំនួនត្រូវបានកំលាំងសមត្ថកិច្ចនៃអធិការដ្ឋាននគរបាលស្រុកប្រាសាទសំបូរ ខេត្តកំពង់ធំ ប្រគល់ឲ្យស៊ីម៉ាក់យកទៅកំទេចចោល បន្ទាប់ពីប្រជាពលរដ្ឋបានប្រគល់ឲ្យសមត្ថកិច្ចនាពេលកន្លងមក ។
លោកអធិការនគរបាលស្រុកប្រាសាទសំបូរ បានឲ្យដឹងថា យុទ្ធភ័ណ្ឌទាំងន៉ោះរួមមានគ្រាប់៦០មិល្លីម៉ែត្រចំនួន ៣គ្រាប់, គ្រាប់បេ៤០ចំនួន១គ្រាប់, គ្រាប់បែកដៃ២គ្រាប់ និងគ្រាប់សេតមី៣៥០មួយចំនួន ។ គ្រាប់មិនទាន់ផ្ទុះទាំងនេះសមត្ថកិច្ចបានប្រមូលបានពីប្រជាពលរដ្ឋតាមរយៈការអំពាវនាវផ្សព្វផ្សាយរបស់សមត្ថកិច្ច ។
គួរំលឹកផងដែរថា ភូមិសាស្ត្រស្រុកប្រាសាទសំបូរ ពិសេសខេត្តកំពង់ធំ ក៏ជាតំបន់ប្រយុទ្ធក្ដៅមួយក្នុងចំណោមភូមិសាស្ត្រឯទៀត ប៉ុន្តែដោយសារស្រុកនេះជាតំបន់ព្រៃងាយស្រួលធ្វើសកម្មភាពអសន្តិសុខផ្សេងៗ ក្រុមជនល្មើស និងពួកខ្មែរក្រហមបានយកគ្រាប់ទាំងនេះទៅលាក់ទុក ខ្លះត្រូវបានរកឃើញ មួយចំនួនបានកប់បាត់ក្នុងដីផងដែរ ៕
ចែករំលែកព័តមាននេះ