រាជធានាំីភ្នំពេញ ៖ ថ្លែងនៅក្នុងសន្និសីទកាសែតកាលពីព្រឹកថ្ងៃទី២២ ឧសភានេះ នៅស្ថានទូតEU ប្រចាំកម្ពុជា លោកSiluio Gongato នាយកទទួលបន្ទុកប្រជាធិបតេយ្យ និងសិទ្ធិមនុស្សតំណាងឱ្យក្រុមការងារ
រាជធានាំីភ្នំពេញ ៖ ថ្លែងនៅក្នុងសន្និសីទកាសែតកាលពីព្រឹកថ្ងៃទី២២ ឧសភានេះ នៅស្ថានទូតEU ប្រចាំកម្ពុជា លោកSiluio Gongato នាយកទទួលបន្ទុកប្រជាធិបតេយ្យ និងសិទ្ធិមនុស្សតំណាងឱ្យក្រុមការងារបេសកកម្មរបស់សហភាពអឺរ៉ុបបានអំពាវនាវឱ្យគណៈកម្មាធិការជាតិរៀបចំការបោះឆ្នោត គ ជ ប នៅកម្ពុជាយកចិត្តទុកដាក់លើតុល្យភាពយែនឌ័រ និងពិការភាពនៅពេលធ្វើការសម្រេចអំពីបុគ្គលិករបស់ គ ជ ប នាពេលខាងមុខ។
លោក Siluio Gongato បានឱ្យដឹងថា ក្រុមការងារបេសកកម្មនេះសូមស្វាគមន៍ចំពោះដំណោះស្រាយនយោបាយ ដែលបានបង្កលក្ខណៈឱ្យប្រទេសនេះចាកចេញពីភាពទ័លច្រកនយោបាយ និងស្វែងរកការ ឯកភាពគ្នាជាឯកច្ឆ័ន្ទលើកំណែទម្រង់ចាំបាច់មួយចំនួន ដែលសហភាពអឺរ៉ុបគាំទ្រឱ្យមាន ដូចជា ការបង្កើតនូវ គ.ជ.ប ដែល ឯករាជ្យ និងមានការចូលរួម ដែលបច្ចុប្បន្ននេះទទួលបានឋានៈមួយមានចែងនៅក្នុងរដ្ឋធម្មនុញ្ញ។
យ៉ាងណាក៏ដោយលោក Siluio Gongato បានបញ្ជាក់ថា តាមអ្វីដែលក្រុមការងារបានឃើញគឺ គ.ជ.ប នឹងជួបប្រទះនឹងបញ្ហាប្រឈមជាច្រើននៅថ្ងៃខាងមុខនេះ ជាពិសេសការបង្កើតនូវលេខាធិការដ្ឋានមួយដែលបំពេញការងារប្រកបដោយវិជ្ផាជីវៈ ការបង្កើតរចនាសម្ព័ន្ធបោះឆ្នោតឯករាជ្យនៅថ្នាក់ខេត្ដ និងថ្នាក់ឃុំ និងការអនុម័តលើបទបញ្ផា និងនីតិវិធីថ្មីៗ ដែលងាយស្រួលសម្រាប់អនុវត្ដជាច្រើនសម្រាប់តម្រង់ទិសដល់ដំណើរការបោះឆ្នោត។
ប៉ុន្តែក្រុមការងារ EU សូមលើកទឹកចិត្ដឱ្យមានការចូលរួមពីគ្រប់តួអង្គពាក់ព័ន្ធទាំងអស់ដើម្បីធានាយ៉ាងណាឱ្យជំហានទាំងនេះត្រូវបានអនុវត្ដដោយមានការចូលរួម និងប្រកបដោយតម្លាភាពដែលនាំឱ្យមានការកសាង និងរក្សាបាននូវការជឿទុកចិត្ដក្នុងកម្រិតមួយខ្ពស់ ក្នុងចំណោមអ្នកពាក់ព័ន្ធទាំងអស់។
តំណាងក្រុមការងារEUរូបនោះក៏សម្តេងនូវការព្រូយបារម្ហមួយចំនួនផងដែលសំខាន់ទាក់ទងអំពីមាត្រាផ្សេងៗ នៅក្នុងច្បាប់ថ្មីស្ដីពីការបោះឆ្នោតជ្រើសរើសសមាជិកសភា ដូចជាមាត្រាពាក់ព័ន្ធជាមួយនឹងតម្លាភាព នៅក្នុងការផ្ដល់ហិរញ្ញប្បទានដល់យុទ្ធនាការបោះឆ្នោត បទល្មើសដែលប្រព្រឹត្ដដោយគណបក្សនយោបាយ និងតួនាទីរបស់សង្គមស៊ីវិលនៅក្នុងដំណើរការបោះឆ្នោតជាដើម៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ