បងប្រុសលោកគីម ជុងអ៊ុន ទៅកាន់ទីក្រុងឡុងដ៍
យោងតាមទូរទស្សន៍ជប៉ុន TBS ថាលោកគីមជុងចុល បងប្រុសមេដឹកនាំកូរ៉េខាងជើងលោកគីមជុងអ៊ុនបានទៅកាន់ទីក្រុងឡុងដ៍ដើម្បីទស្សនាការប្រគំតន្ត្រីរបស់ក្រុម ERIC CLAPTON ។
យោងតាមទូរទស្សន៍ជប៉ុន TBS ថាលោកគីមជុងចុល បងប្រុសមេដឹកនាំកូរ៉េខាងជើងលោកគីមជុងអ៊ុនបានទៅកាន់ទីក្រុងឡុងដ៍ដើម្បីទស្សនាការប្រគំតន្ត្រីរបស់ក្រុម ERIC CLAPTON ។ ទូរទស្សន៍ជប៉ុននោះរាយការណ៍ថា លោកគីមជុងចុល ជាអ្នកគាំទ្រខ្លាំងបំផុតចំពោះក្រុមតន្ត្រី CLAPTON ត្រូវបានកាមេរ៉ាមួយថតរូបជាប់ ពេលលោកកំពុងទស្សនាការប្រគំតន្ត្រីនៅឯ ROYAL ALBERT HALL ក្រុងឡុងដ៍ កាលពីថ្ងៃទី២០ ឧសភា ។ លោកពាក់អាវយឺតមួយនិងអាវក្រៅ ផលិតពីស្បែក ។ លោកគីមជុងចុល នៅជាមួយនារីម្នាក់ដែលអាចជាមិត្តស្រីរបស់លោក ។
ចំណែកប្រភពព័ត៌មានមួយនៅទីក្រុងឡុងដ៍ អះអាងថា លោកគីមជុងចុល មកបំពេញទស្សនកិច្ចនៅក្រុងឡុងដ៍ ហើយស្នាក់ក្នុងសណ្ឋាគារមួយស្ថិតនៅកណ្តាលក្រុង ។ ប្រភពនោះនិយាយដែរថា លោកគីមជុងចុល គ្រោងជិះយន្តហោះមួយគ្រឿងមកកាន់ក្រុងមូស្គូនាថ្ងៃទី២២ឧសភា។ ថ្លៃបន្ទប់សណ្ឋាគារនោះមួយយប់ពី៣៨៦ដុល្លារទៅ៣៤១៩ដុល្លារ ។
នេះជាលើកដំបូងដែលលោកគីមជុងចុល ត្រូវបានគេឃើញជាសាធារណៈ ចាប់តាំងពីប្អូនប្រុសលោកគឺលោកគីមជុងអ៊ុនឡើងកាន់អំណាចក្រោយបិតាលោកនិងជាអតីតមេដឹកនាំលោកគីមជុងអីុល ទទួលមរណភាពក្នុងខែធ្នូ ឆ្នាំ២០១១មក ។
លោកគីមជុងចុលជាកូនប្រុសទី២ក្នុងចំណោមកូនប្រុសទាំង៣នាក់របស់លោកគីមជុងអុីល ។ លោកគីមជុងចុល និងលោកគីមជុងអ៊ុន មានម្តាយជាមួយគ្នា គឺភរិយាទី៣របស់លោកគីមជុងអុីល លោកស្រីកូយ៉ុងហ្វី ដែលទទួលមរណភាពដោយសារជំងឺមហារីកដោះក្នុងជន្មាយុ៥១ឆ្នាំកាលពីឆ្នាំ២០០៤ ។ កូនប្រុសច្បងរបស់លោកគីមជុងអុីល គឺលោកគីមជុងណាម មានម្តាយជាភរិយាទី២ លោកស្រី SONG HYE RIM ៕
ចែករំលែកព័តមាននេះ