ខេត្តបាត់ដំបង៖ បុរសវ័យ៦០ឆ្នាំម្នាក់ ត្រូវសមត្ថកិច្ចឃាត់ខ្លួនភ្លាមៗកាលពីវេលាព្រឹកថ្ងៃទី២០ ឧសភា ២០១៥ ស្ថិតនៅចំណុចភូមិបួរុន ឃុំត្រែង ស្រុករតនមណ្ឌល បន្ទាប់ពីស្ត្រីម្នាក់ប្ដឹងចោទប្រកាន់ថា បានចាប់រំលោភសេពសន្ថវៈលើកូនស្រីគាត់រហូតបានសម្រេចកាលពីដើមខែឧសភា នេះ ស្ថិតនៅក្រោមដើមស្វាយខាងក្រោយផ្ទះ។
ប្រភពពីលោកអធិការរងស្រុករតនមណ្ឌលបានឱ្យដឹងថា ជនសង្ស័យឈ្មោះមាស សាម៉ុន អាយុ៦០ឆ្នាំ មានទីលំនៅក្នុងភូមិ-ឃុំខាងលើ ។ ជននេះត្រូវបានស្ត្រីម្នាក់ឈ្មោះគង់ គន្ធី អាយុ៣១ឆ្នាំ បានប្ដឹងចោទប្រកាន់ថា បានចាប់កូនស្រីគាត់ អាយុ១២ឆ្នាំ យកទៅរំលោភនៅក្រោមដើមស្វាយខាងក្រោយផ្ទះរហូតបានសម្រេច កាលពីរសៀលថ្ងៃទី៤ ឧសភា ខណៈដែលនាងទៅបេះស្អំក្បែររបង ។
លោកអធិការរងបញ្ជាក់ថា ក្រោយពីទទូលបានបណ្ដឹងនេះ លោកស្នងការខេត្ត ក៏បានបញ្ជាឱ្យកម្លាំងជំនាញចុះទៅឃាត់ខ្លួនជន
ជនសង្ស័យបានភ្លាមៗដែរ ។
នៅក្នុងបណ្ដឹងអ្នកស្រីគង់ គន្ធី បាននិយាយថា គាត់មិនបានដឹងរឿងនេះពីដំបូងទេ ដោយកូនស្រីមិនហ៊ាននិយាយប្រាប់ ព្រោះខ្លាចការគំរាមកំហែងពីជនសង្ស័យ ។ គាត់និយាយថា រហូតដល់ថ្ងៃទី២០ ឧសភា ទើបបានដឹងដោយសារកូនស្រីម្នាក់ទៀតអាយុ៩ឆ្នាំ
(ប្អូនកុមារីរងគ្រោះ)និយាយប្រាប់ដោយសារតែវាបានលបមើលឃើញសកម្មភាពចាប់រំលោភនេះ។
នៅពេលឃាត់ខ្លួនយកមកសួរនាំ ជនសង្ស័យឈ្មោះមាស សាម៉ុន បានសារភាពថា ខ្លួនពិតជាបានបំពារបំពានទៅលើផ្លូវភេទក្មេងស្រីនោះមែន តែជននេះអះអាងថា ក្មេងស្រីនោះ ក៏ព្រមព្រៀងជាមួយខ្លួនដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ