រាជធានីភ្នំពេញ ៖ កន្លងមក លោកកគួច ចំរើន ដែលជាប្រធានគណៈបញ្ជាការឯកភាពតែងតែរំលឹកដល់មន្ដ្រីពាក់ព័ន្ធ និងសមត្ថកិច្ចឲ្យបន្ដធ្វើការស្រាវ ជ្រាវនៅតាមសង្កាត់ ដើម្បីចុះទៅទប់ស្កាត់
រាជធានីភ្នំពេញ ៖ កន្លងមក លោកកគួច ចំរើន ដែលជាប្រធានគណៈបញ្ជាការឯកភាពតែងតែរំលឹកដល់មន្ដ្រីពាក់ព័ន្ធ និងសមត្ថកិច្ចឲ្យបន្ដធ្វើការស្រាវ ជ្រាវនៅតាមសង្កាត់ ដើម្បីចុះទៅទប់ស្កាត់ល្បែងហ្គេមមិនឱ្យដំណើរ ដោយគ្មានច្បាប់ ហើយលោកអភិបាលខណ្ឌដូនពេញ នាពេលកន្លងមកនេះ ដែលបានលើកឡើងថា នៅចុងឆ្នាំ២០១៥ មិនមានហ្គេមប្រភេទល្បែងស៊ីសងក្នុងខណ្ឌដូនពេញទៀតទេ។ ទោះជាយ៉ាងណា នៅតែមានជនខិលខូចបានលួចបើកហ្គេមប្រភេទល្បែងស៊ីសង និងគ្មានច្បាប់អនុញ្ញាត។
ជាក់ស្តែងនៅវេលាម៉ោងង០១និង៣០នាទី ថ្ងៃទី២១ ឧសភា ២០១៥ លោកចាន់ បណ្ឌិត នាយករដ្ឋបាល និងកម្លាំងប្រជាការពារខណ្ឌដូនពេញ និងយោងតាមបទបញ្ជាលោកគួច ចំរើន អភិបាលខណ្ឌដូនពេញ បានចុះបង្ក្រាបទីតាំងលួចបើកហ្គេមនៅផ្ទះលេខ១៥៧ ផ្លូវលេខ៦៣ សង្កាត់ចតុមុខ ខណ្ឌដូនពេញ ដកហូតបានទូហ្គេមចំនួន៣៥ទូ ក្នុងនោះមានហ្គេមប្រភេទបាញ់ត្រីចំនួន៣ទូ។ ហើយកាលពីថ្ងៃទី១៤ ឧសភា ២០១៥ សាលាខណ្ឌដូនពេញ បើកកិច្ចប្រតិបត្តិការឆ្មក់បង្ក្រាបទីតាំងហ្គេមប្រភេទល្បែងស៊ីសងគ្មានច្បាប់អនុញ្ញាតផ្ទះលេខ៤៨អាអឺ០ ផ្លូវលេខ៦៣ ស្ថិតក្នុងភូមិទី១២ សង្កាត់ផ្សារថ្មីទី៣ ខណ្ឌដូនពេញ ហើយដកហូតទូហ្គេមចំនួន៣២ទូ ក្នុងនោះមានទូហ្គេមប្រភេទបាញ់ត្រីមួយទូ។
គួរបញ្ជាក់ថា កន្លងមក សាលាខណ្ឌដូនពេញ បានវាយកម្ទេចទូហ្គេមប្រភេទល្បែងស៊ីសង និងប្រភេទបាញ់ត្រីសរុប១៥៩ទូ ក្នុងនោះហ្គេមបាញ់ត្រីចំនួន២០ទូផងដែរ។ ទីតាំងហ្គេមចំនួន៣៩កន្លែង ដែលកំពុងដំណើរការនៅក្នុងខណ្ឌដូនពេញនោះ ត្រូវបានលោកគួច ចំរើន អះអាងថា មិនទាន់ចប់សុពលភាពនៃច្បាប់សុំបើកអាជីវកម្ម ហើយកាលណាអស់សុពលភាពភ្លាមនោះ អាជ្ញាធរនឹងចុះទៅបិទនៅពេលនោះដែរ៕
ចែករំលែកព័តមាននេះ