កញ្ញាធី ណាតា និងលោកអេឡិច ចិន្ត្រា ចែកផ្លូវគ្នាដើរ
រាជធានីភ្នំពេញ ៖ លោកអេឡិច ចិន្ត្រា និងកញ្ញាធី ណាតា ជាដៃគូសម្តែងថ្មី បន្ទាប់ពីដៃគូសម្តែងចាស់របស់លោកចិន្ត្រាអ្នកនាងឆៃ លី ដាឡែនរៀបការរួច។ ខណៈកំពុងទាក់ទាញការចាប់
រាជធានីភ្នំពេញ ៖ លោកអេឡិច ចិន្ត្រា និងកញ្ញាធី ណាតា ជាដៃគូសម្តែងថ្មី បន្ទាប់ពីដៃគូសម្តែងចាស់របស់លោកចិន្ត្រាអ្នកនាងឆៃ លី ដាឡែនរៀបការរួច។ ខណៈកំពុងទាក់ទាញការចាប់
រាជធានីភ្នំពេញ ៖ លោកអេឡិច ចិន្ត្រា និងកញ្ញាធី ណាតា ជាដៃគូសម្តែងថ្មី បន្ទាប់ពីដៃគូសម្តែងចាស់របស់លោកចិន្ត្រាអ្នកនាងឆៃ លី ដាឡែនរៀបការរួច។ ខណៈកំពុងទាក់ទាញការចាប់អារម្មណ៍មិនទាន់បានប៉ុន្មានខែផងនោះ ស្រាប់តែកញ្ញាធី ណាតា បញ្ជាក់ថាចាប់ពីពេលនេះតទៅនឹងមិនមានការសម្តែងរួមគ្នារវាងនាង និងលោកអេឡិច ចិន្ត្រា នៅលើឆាកតន្ត្រីដូចមុនទៀតឡើយ ។
កញ្ញាធី ណាតា ជាប្អូនស្រីជីដូនមួយរបស់នាងឆៃលី ដាឡែន ទើបត្រឡប់មកពីសម្តែងនៅប្រទេសជប៉ុនវិញ ដោយបានចាកចេញពីកម្ពុជាអំឡុងមុនពិធីបុណ្យចូលឆ្នាំថ្មីប្រពៃណីជាតិខ្មែរ។ ដំណើរចេញទៅសម្តែងនៅប្រទេសជប៉ុននោះធី ណាតា រួមសម្តែងជាមួយលោកអេឡិច ចិន្ត្រា នាងឆៃលី ដាឡែន នាងយ៉ាយ៉ា និងស្វាមីរបស់នាងឆៃលី ដាឡែន ធ្វើឱ្យវេទិកាសម្តែងជូនជនរួមជាតិខ្មែររស់នៅទីនោះបានសប្បាយរីករាយ។ ទោះបីជាយ៉ាងណាក៏ដោយ កញ្ញាធី ណាតា ដែលកំពុងតែទទួលបានភាពលេចធ្លោជាមួយលោកអេឡិច ចិន្ត្រានោះ ស្រាប់តែក្រោយពេលមកដល់ស្រុកកំណើតវិញបែកផ្លូវគ្នាដោយមិនចាប់ដៃគូគ្នាសម្តែងទៀតឡើយ។ មូលហេតុនេះហើយធ្វើឱ្យអ្នកដែលតាមដានសកម្មភាពនៃដៃគូពីរដួងនេះងឿងឆ្ងល់មិនតិចទេ ។
កញ្ញាធី ណាតា តារាចម្រៀងសម្បុរស្រអែមស្រស់បញ្ជាក់កាលពីពេល ថ្មីៗនេះថា តាំងពីនាងវិលពីសម្តែងនៅប្រទេសជប៉ុនវិញមកមិនសូវជាបានបង្ហាញវត្តមាននៅតាមកញ្ចក់ទូរទស្សន៍ទេ ព្រោះតែវល់ជាមួយកិច្ចការក្រៅសិល្បៈដោយនាងទើបតែចាប់ផ្តើមដំណើរការ ។ នាងណាតាពង្រឹងមុខជំនួញឱ្យល្អសិនដើម្បីរក្សាជំហរដើរទៅមុខបានប្រសើរជាងនេះ ។ រវាងណាតានិងលោកអេឡិចចិន្ត្រាប្រហែលជាត្រូវឈប់ចាប់ដៃគូសម្តែងជាមួយគ្នាមួយរយៈ ឬអាចទាំងស្រុងដោយសារតែរវល់ការងារ រៀងៗខ្លួនមិនអាចបន្តទៅទៀតបានចៀសវាងមានពេលតិចហាត់សម្តែងមិនបានល្អ ។ ម្យ៉ាងមកពីណាតាចាប់មុខរបរលក់ផលិតផលនាំមកពីប្រទេសអូស្ត្រាលី ដូច្នេះមមាញឹកផងនោះ ទើបមិនសូវទទួលបានការឡើងសម្តែង។ ក្នុងពេលដែលណាតាចាត់ចែងការងារលក់ផលិតផលមកពីប្រទេសអូស្ត្រាលីបានប្រសើររួចរាល់ ប្រហែលជានាងនឹងងាកមកអាជីពសម្តែងវិញ ព្រោះថា ទឹកចិត្តស្រឡាញ់សិល្បៈនៅតែមាន មិនអាចបោះបង់បានទេ ស្របពេលដែលនាងកំពុងតែមានការចាប់ផ្តើមទទួលស្គាល់ជា បណ្តើរៗនោះ ។
តារាសម្តែងកំពុងតែសាកល្បងលក់ផលិតផលនាំមកពីប្រទេសអូស្ត្រាលីធី ណាតា ឱ្យដឹងថា ទោះជាយ៉ាងណាក្តី នាងនៅតែសម្តែងសិល្បៈ។ ក្នុងឆ្នាំនេះបន្ទាប់មកពីសម្តែងនៅប្រទេសជប៉ុននាងមានគម្រោងទៅប្រទេសអូស្ត្រាលីសម្តែងសាជាថ្មីទៀត នាពេលប៉ុន្មានខែខាងមុខ ។ នៅទីនោះណាតាធ្លាប់ទៅសម្តែងដែរ ហើយមានអ្នកគាំទ្រច្រើនទើបមានអ្នកធានាឱ្យនាងទៅសម្តែងជាថ្មីទៀត ។
នៅពេលសួរថា កំពុងតែមានគេចាប់ផ្តើមខ្លាំងពីរឿងចាប់ដៃគូសម្តែងជាមួយអេឡិច ចិន្ត្រា ហើយស្រាប់តែបែកផ្លូវគ្នាវិញបែបនេះ តើនឹកស្តាយទេ ? ណាតានិយាយថា «អាចមាន ខ្លះៗដែរ ព្រោះយើងទាំងពីរនាក់ក៏មានលក្ខណសម្បត្តិធ្វើឱ្យគេចាប់អារម្មណ៍ ប៉ុន្តែអាចមកពីរវល់រៀងខ្លួនក៏ថាបាន ណាមួយពួកយើងក៏អាចសម្តែងដោយមិនបាច់ចាប់ដៃគូក៏បាន ព្រោះថា ធ្វើបែបនេះអាចបញ្ជាក់ថាយើងមានដៃគូក៏អាចសម្តែងបាន មិនមានដៃគូក៏អាចធ្វើបាន» ។
ទោះជាយ៉ាងណាក៏ដោយធីណាតា រំពឹងថា ទស្សនិកជននៅតែគាំទ្រការសម្តែងរបស់នាងបន្តទៀត ៕
ចែករំលែកព័តមាននេះ