រាជធានីភ្នំពេញ ៖ តារាបង្ហាញម៉ូដ និងជាពិធីការិនីអ្នកនាងយ៉ាន លីនដា បានបដិសេធព័ត៌មានដែលថា លោកយ៉ែម សំអូន ទាក់ទងស្នេហ៍ភេទដូចគ្នាជាមួយតារាប្រុស២រូបដែលស្ថិតនៅក្នុង
រាជធានីភ្នំពេញ ៖ តារាបង្ហាញម៉ូដ និងជាពិធីការិនីអ្នកនាងយ៉ាន លីនដា បានបដិសេធព័ត៌មានដែលថា លោកយ៉ែម សំអូន ទាក់ទងស្នេហ៍ភេទដូចគ្នាជាមួយតារាប្រុស២រូបដែលស្ថិតនៅក្នុងក្រុមបង្ហាញម៉ូដជាមួយគ្នា ។
អ្នកនាងយ៉ាន លីនដា បញ្ជាក់ថា លោក យ៉ែម សំអូន ទាក់ទងស្នេហ៍ភេទដូចគ្នាមែន ប៉ុន្តែមិនមែនតារាពីរដួងស្ថិតនៅក្នុងចង្កោមសិល្បៈជាមួយគ្នាឡើយ ផ្ទុយទៅវិញគឺជាបុរសស្ថិតនៅក្រៅសង្វៀនសិល្បៈទៅវិញទេ ។
ការបដិសេធរបស់អ្នកនាង យ៉ាន លីនដា បន្ទាប់ពីសារព័ត៌មាននៅក្នុងស្រុកមួយផ្សាយពីចំណងស្នេហ៍ភេទដូចគ្នារបស់លោកយ៉ែម សំអូន និងតារាពីរដួងដោយដាក់ការសង្ស័យថា ជាតារាសម្តែងលោកសាយ សៀរ៉ា និងលោក អ៊ុន សុធា ។
ការសង្ស័យនោះកើតឡើង បន្ទាប់ពីអ្នកនាង យ៉ាន លីនដា បញ្ជាក់ថា មូលហេតុដែលនាំឱ្យជីវិតប្តីប្រពន្ធរបស់នាងប្រេះឆានោះ គឺដោយសារស្វាមីរបស់នាងលោកយ៉ែម សំអូន មិនត្រូវការរូបនាង ហើយអ្វីដែលលោកយ៉ែម សំអូនត្រូវការនោះគឺជាមនុស្សប្រុសដូចគ្នា។ មនុស្សនោះគឺជាតារាក្នុងក្រុមបង្ហាញម៉ូដជាមួយគ្នាដែលមានសប្បុរសស្រអែម និងនិយមដើរតួកំសត់ ដែលការអះអាងនេះនាំឱ្យគេសង្ស័យប្រហែលជាលោកសាយ សៀរ៉ា ឬលោក អ៊ុន សុធា ។
យ៉ាងណាក៏ដោយអ្នកនាង យ៉ាន លីនដា បដិសេធវិញភ្លាមចំពោះការសង្ស័យនោះដោយនាងអះអាងថា អ្វីដែលនាងបកស្រាយកន្លងមកនោះគឺនាងមិនចោទប្រកាន់ទៅលើលោកសាយ សៀរ៉ា និងលោកអ៊ុន សុធាឡើយ ប៉ុន្តែមនុស្សប្រុសដែលនាងចង់សំដៅនោះគឺជាមនុស្សប្រុសក្រៅរង្វង់សិល្បៈ ។
អ្នកនាងយ៉ាន លីនដា បញ្ជាក់នាពេល ថ្មីៗនេះថា មានការយល់ច្រឡំធំមួយដោយប្រព័ន្ធផ្សព្វផ្សាយ តែនាងមិនចង់បង្ហាញឈ្មោះប្រព័ន្ធផ្សព្វផ្សាយណាមួយឡើយ ខណៈពេលនេះជាពេលវេលាដ៏លំបាកខ្លាំងណាស់សម្រាប់នាង ។
ឆ្លងកាត់រឿងហេតុកន្លងមកនេះ អ្នកនាងយ៉ាន លីនដា បានបង្ហាញជំហរថា នាងនឹងមិនចំណាយពេលបង្ហោះសារអ្វីបន្ថែមទៀតនៅតាមហ្វេសប៊ុកឡើយ ដោយសារតែពេលនេះនាងសម្រេចចិត្តទៅរស់នៅជាមួយកូនតែពីរនាក់នៅប្រទេសអូស្ត្រាលី ។ លីនដាបញ្ជាក់ថា អំឡុងពេលនេះនាងមានបំណងចង់រស់នៅដោយភាពស្ងប់ស្ងាត់ ហើយអ្វីដែលនាងបានសរសេរបង្ហោះកន្លងមកនោះ គឺចង់ឱ្យមហាជនដឹងពីមូលហេតុពិត ដែលធ្វើឱ្យនាងសម្រេចចិត្តមិនទទួលយកការសូមអភ័យទោស និងវិលបកក្រោយជួបជុំជាមួយលោកយ៉ែម សំអូនវិញ ។ លីនដាមិនចង់បើកកកាយរឿងអាក្រក់នៅក្នុងសង្គមគ្រួសាររបស់នាឡើយ ប៉ុន្តែដោយសារព្យុះភ្លៀងព័ត៌មានអាក្រក់ចំពោះនាង ដែលពេលខ្លះបានចោទនាងថាមានបុរសថ្មីដែលជាដើមចមនាំឱ្យស្ថានភាពគ្រួសារមានការប្រេះឆា ។
អ្នកនាង យ៉ាន លីនដា ស្នើសូមមហាជនកុំឱ្យយល់ច្រឡំទៀតពីចំណងស្នេហ៍រវាងលោកយ៉ែម សំអូន និងតារាទាំងពីរដួងនោះ ខណៈពេលនាងនៅតែប្រកាន់ជំហរមិនវិលវិញ ហើយបណ្តឹងលែងលះកំពុងតែដំណើរការទៅមុខ ៕
ចែករំលែកព័តមាននេះ