ខេត្តកំពង់ធំ ៖ រូបចម្លាក់ដែលគេលួចយកមកលាក់ទុក ត្រូវប្រជាពលរដ្ឋប្រទះឃើញនៅក្នុងភូមិសាគ្រាមជើង ឃុំសាគ្រាម ស្រុកប្រាសាទបាល្ល័ង ហើយកាលពីរសៀលថ្ងៃទី២០ ឧសភា ២០១៥ ត្រូវកម្លាំងកងរាជអាវុធហត្ថខេត្តកំពង់ធំ សការជាមួយប៉ូលិសប៉ុស្តិ៍ ចុះមកធ្វើការត្រួតពិនិត្យមើលជាក់ស្តែង ហើយបានជួលរថយន្តអ្នកភូមិដឹករូបចម្លាក់នេះយកទៅរក្សាទុកនៅទីបញ្ជាការកងរាជអាវុធខេត្តកំពង់ធំ ។
ប្រភពបានឱ្យដឹងថា តាមការសន្និដ្ឋានជាជំហានដំបូង ត្រូវសមត្ថកិច្ចសង្ស័យថា រូបចម្លាក់ទាំងនេះ គឺត្រូវគេលួចយកមកលាក់ទុកដើម្បីយកទៅលក់បន្ត ។
ប្រភពបន្តថា រូបចម្លាក់ទាំងនោះមានរូបបាល្ល័ង្គបាក់បែក១៣កំណាត់ និងរូបឈរច្រត់ចង្កេះដៃទាំងសងខាងនៅជាប់នឹងផ្ទាំងថ្ម មានកម្ពស់៧៥សង្ទីម៉ែត្រ ។
បច្ចុប្បន្នកម្លាំងសមត្ថកិច្ចកំពុងខិតខំធ្វើការស្រាវជ្រាវរកជនល្មើស ដើម្បីផ្តន្ទាទោសតាមច្បាប់ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ