ក្លិបមេឃខៀវ Man City បានដេញថ្លៃកីឡាករខ្សែប្រយុទ្ធរបស់ក្លិបLiverpool ក្នុងតម្លៃប្រមាណជា៦១លានដុល្លារ និងផ្តល់តម្លៃខ្លួន២៣ម៉ឺនដុល្លារក្នុង១សប្តាហ៍ផងដែរ បើសិនជាកីឡាកររូបនេះព្រមចូលលេងឱ្យក្លិបខ្លួន ។ ការដាក់ដេញថ្លៃត្រូវធ្វើឡើងបន្ទាប់ពី Raheem Sterling មានបញ្ហាចម្រូងចម្រាសជាមួយក្លិបហង្សក្រហម Liverpool ដោយលើកឡើងថា រូបគេចង់ចាកចេញពីក្លិបពេលចប់រដូវកាលនេះ ។
ក្នុងព្រឹត្តិការណ៍ទទួលពានរង្វាន់កីឡាករវ័យក្មេងប្រចាំឆ្នាំរៀបចំឡើងដោយក្លិប Liverpool កាលពីរាត្រីថ្ងៃទី១៩ ឧសភា Raheem Sterling ត្រូវអ្នកគាំទ្រជាច្រើននាក់ប្រើពាក្យសម្តីមិនសមរម្យដោយសារមិនពេញចិត្តពីការចាកចេញរបស់កីឡាកររូបនេះ ។ គ្រូបង្វិកក្លិប Liverpool លោក Brendam Rodgers នៅតែប្រកាន់គោលជំហររបស់ខ្លួនថា យើងគ្មានគំនិតចង់លក់កីឡាករ Raheem Sterling ទេ ។ ចំពោះរឿងតម្លៃខ្លួនប្រចាំសប្តាហ៍ និងរឿងរ៉ាវផ្សេងៗទៀតនឹងត្រូវដោះស្រាយគ្នានៅ ពេលក្រោយ ៕
ចែករំលែកព័តមាននេះ