ការឈ្វេងយល់ឲ្យកាន់តែស៊ីជម្រៅពីសញ្ញាឬអាការៈដែលបញ្ជាក់ថា រថយន្តអ្នកអស់សាំងគឺជាមធ្យោបាយងាយស្រួលបំផុតក្នុងការការពាររថយន្តរបស់អ្នកធានាបាននូវសុវត្ថិភាព និងប្រសិទ្ធភាពក្នុងការធ្វើដំណើរ ។
ការឈ្វេងយល់ឲ្យកាន់តែស៊ីជម្រៅពីសញ្ញាឬអាការៈដែលបញ្ជាក់ថា រថយន្តអ្នកអស់សាំងគឺជាមធ្យោបាយងាយស្រួលបំផុតក្នុងការការពាររថយន្តរបស់អ្នកធានាបាននូវសុវត្ថិភាព និងប្រសិទ្ធភាពក្នុងការធ្វើដំណើរ ។ ដូចនេះសូមឈ្វេងយល់ទាំងអស់គ្នាជាមួយនឹងសញ្ញាដែលបញ្ជាក់ថា រថយន្តអស់សាំងដូចតទៅ៖
ការលោតភ្លើងសញ្ញាសាំង
សញ្ញាដ៏សាមញ្ញបំផុតដែលបញ្ជាក់ថា រថយន្តរបស់លោកអ្នកអស់សាំងនោះ គឺឧបករណ៍វាស់ស្ទង់នៅលើតាប់ឡូឬផ្ទាំងកុងទ័រល្បឿនមានលោតភ្លើងសញ្ញា ។ ការលោតភ្លើងបែបនេះគឺផ្អែកទៅតាមកម្រិតម៉ូដែលរបស់រថយន្តដែលវាផ្តល់ភាពងាយស្រួលកត់សម្គាល់បានកម្រិតណានោះ ឬក៏ឲ្យអ្នកបើកបរដឹងថាគាត់កំពុងបើកក្នុងកម្រិតប្រេងបម្រុងប៉ុណ្ណោះហើយប្រេងបម្រុងនោះ មានលទ្ធភាពជួយឲ្យរថយន្តបន្តដំណើរបានទៅមុខបន្ថែម២៥ម៉ាយទៀតប៉ុណ្ណោះ(៤០គីឡូម៉ែត្រ) ដូច្នេះគឺវាផ្តល់គុណសម្បត្តិដល់អ្នកបញ្ជាចង្កូតស្វែងរកស្ថានីយប្រេងឥន្ធនៈបានទាន់ពេលវេលា ។ ចំណែករថយន្តខ្លះទៀត បន្ទាប់ពីមានភ្លើងលោតឡើងហើយនោះអ្នកបើកបរនៅតែមិនអាចបន្តដំណើរទៅមុខបានដដែល រថយន្តចាប់ផ្តើមបញ្ជូននូវសំឡេងព្រមានដើម្បីឲ្យអ្នកបើកបរដឹងថាពុំមានប្រេងនៅសេសសល់ច្រើនឡើយ ។
រថយន្តនឹងរលត់ម៉ាស៊ីន
បណ្តារថយន្តទាំងឡាយគឺត្រូវការកម្រិតប្រេងជាក់លាក់មួយដើម្បីបញ្ឆេះម៉ាស៊ីនឲ្យដំណើរការ ។ ក្នុងស្ថានការណ៍ដូចបានរៀបរាប់ខាងលើនេះ ធុងសាំងពុំមានប្រេងគ្រប់គ្រាន់ក្នុងការបញ្ឆេះឲ្យម៉ាស៊ីនដំណើរការឬក៏ដេរឆេះដោយស្រួលឡើយ ។ អំឡុងពេលនៃការដេរបញ្ឆេះម៉ាស៊ីន គឺវាប្រើប្រាស់ប្រេងក្នុងកម្រិតខ្ពស់បំផុតដូច្នេះចាំបាច់ត្រូវតែមានប្រេងគ្រប់គ្រាន់ក្នុងធុងឬរេស៊ីវ័រដើម្បីធានាបានថា រថយន្តអាចបញ្ឆេះបាន ។ រថយន្តដែលអស់សាំងក្នុងពេលបើកបរលើដងផ្លូវ គឺវាមានអត្រាបឺតប្រេងច្រើនតាមរយៈទុយោបង្ហូរចូលម៉ាស៊ីនហេតុនេះហើយបានជាជានិច្ចកាលរថយន្តអ្នកនឹងរលត់ម៉ាស៊ីនខណៈពេលកម្រិតសាំងនៅតិចតួច ។
ការរលត់រថយន្តជាញឹកញាប់
ប្រសិនជាអ្នកព្យាយាមដេរបញ្ឆេះបើទោះជាដឹងថា រេស៊ីវ័រប្រេងមាននៅសល់តិចក្តី គឺវានៅតែមានឱកាសរថយន្តនឹងឆេះរលត់ៗដដែល ។ខណៈពេលម៉ាស៊ីនចាប់ផ្តើមបឺតសាំងចេញចំហាយ ម៉ាស៊ីនរថយន្តនឹងចាប់ផ្តើមរលត់ស្របពេលដែលអ្នកបើកទៅមុខបានបន្តិចឬក៏កាច់សោដេរបញ្ឆេះវា ។ ទោះជាយ៉ាងណា ក្នុងករណីនេះការរលត់ម៉ាស៊ីនក៏នឹងអាចបណ្តាលមកពីមានបញ្ហាដទៃក៏ថាបាន ដូច្នេះលោកអ្នកគួរតែពិនិត្យលើការលោតភ្លើងសញ្ញាដើម្បីឲ្យកាន់តែច្បាស់ ហើយក្នុងនោះក៏ត្រូវពិនិត្យមើលទៅលើកុងទ័រប្រេងថែមទៀត ៕
ចែករំលែកព័តមាននេះ