ខេត្តរតនគិរី ៖ មានភ្លៀងធ្លាក់២ទៅ៣មេ កាកសំណល់សល់ស្អុយរលួយ និងស្ទះលូបង្ហូរទឹកមួយកន្លែង ត្រង់ចំណុចខាងកើតផ្សារក្រុងបានលុង(ទីប្រជុំជន) ស្ថិតនៅភូមិជ័យជំនៈ សង្កាត់ឡាបានសៀក ក្រុងបានលុង ។ ក្រុមអាជីវករ និងភ្លៀងជាតិ និងអន្តរជាតិមានការរិៈគន់ ដល់អ្នកវិនិយោគផ្សារ និងអាជ្ញាធរក្រុងបានលុង ពីរឿងលូបង្ហូរទឹក នៅក្នុងផ្សារស្ទះ ធ្វើឲ្យជះក្លិនស្អុយអសោចយ៉ាងខ្លាំង ។
បញ្ហាខាងលើនេះក្រុមអាជីវករ និងភ្ញៀវជាតិបានសំណូមពរឲ្យសារព័ត៌មានជួយចុះផ្សារ ឲ្យថ្នាក់លើបានដឹង នៅចំណុចលួទឹកស្អុយនេះ ។ ក្រុមអាជីវករក្នុងផ្សារ និងជុំវិញផ្សារលើកឡើងប្រាប់អ្នកយកព័ត៌មានយើងថា នៅក្នុងរយៈពេល៣-៤ថ្ងៃនេះ មានភ្លៀងធ្លាក់២-៣លើក ធ្វើឲ្យមានទឹកដក់ ស្ទះលូបង្ហូរទឹក ហើយស្អុយរលួយថែមទាំងមានសត្វដង្កូវទៀតផង ធ្វើឲ្យប៉ះពាល់ដល់ភ្ញៀវជាតិ និងអន្តរជាតិចូលទៅទិញឥវ៉ាន់នៅក្នុងផ្សារ ។ ក្រុមអាជីវករបានបន្តទៀតថា រឿងលូទឹកស្អុយនេះ វាកើតឡើងរាប់ឆ្នាំមកហើយ ។
ទាក់ទិននឹងករណីខាងលើនេះអ្នកសារព័ត៌មានកោះសន្តិភាពបានទៅជួបលោកហេង ដារ៉ា តំណាងក្រុមហ៊ុនវិនិយោគផ្សារ បានឲ្យដឹងថា ខាងប្រព័ន្ធលូទឹកស្ទះ ជារឿងរបស់សាលាក្រុង ជាអ្នករៀបចំ ខាងវិនិយោគផ្សារអត់ដឹងទេ សួរទៅខាងសាលាក្រុងទៅ ។
ដោយឡែកលោក អ៊ុក សំអុល អភិបាលក្រុងបានលុង បានមានប្រសាន៍ថា រឿងរៀបចំលូទឹកជុំវិញផ្សារ គឺជាតួនាទីរបស់អ្នកវិយោគផ្សារ មើលការខុសត្រូវទាំងអស់ ៕
ចែករំលែកព័តមាននេះ