ព្រៃស្រោងឬព្រៃដែលមានឈើធំៗ គ្រប់ប្រភេទជាសម្បត្តិរបស់រដ្ឋ ជាង៣ពាន់ហិកតា នៅស្រុកព្រែកប្រសព្វ ខេត្តក្រចេះ ត្រូវបានធ្លាយឱ្យដឹងថា មានឧកញ៉ា២នាក់បានកាប់រាន យកឈើលក់អស់ទៅហើយ និងយកដីធ្វើជាកម្មសិទ្ធិទៀតផង… តាមការវាយតម្លៃក្រៅផ្លូវការមានរាប់សិបលានដុល្លារ… ខ្លះថា រាប់រយលានដុល្លារទៀតផង… ស្រេចតែគេថា…
ប្រសិនបើរាជរដ្ឋាភិបាលរកខុសត្រូវមែន ឫចេញមុខស្រាវជ្រាវឱ្យប្រាកដមែន នោះមនុស្សមានអំណាចមិនតិចទេ ដែលពាក់ព័ន្ធ… មានទាំងថ្នាក់ខេត្ត ថ្នាក់ស្រុក មានមេព្រៃខេត្ត មេព្រៃក្រសួង ។ល។ ព្រោះឈ្មួញដែលជាមេឧក្រិដ្ឋកម្មព្រៃឈើបានកាប់អារលក់តាំងតែពីឆ្នាំ២០០៩មក អស់រលីងឈើព្រៃស្រោងជាង៣ពាន់ហិកតា ។
ច្រកទ្វារព្រំដែនដែលឈ្មួនជាមេខ្លោងនាំឈើទៅស្រុកយួនរាប់ឆ្នាំកន្លងមកនេះច្រើនចេញតាមច្រកដូង៧ដើម… ច្រកច័ន្ទមូល… ច្រកទន្លេចាម ។ល។ ខេត្តត្បូងឃ្មុំ…
ដូច្នេះបើចង់មួល.កឧក្រិដ្ឋជនព្រៃឈើទាំងនោះ មហាជនគិតថា សម្លកំពិស នឹងត្រូវស្លមានរសជាតិមិនខានឡើយ ។
ឱ! សម្លកំពិសអើយ… មានដែរឫអត់?
ចាំមើលឧក្រិដ្ឋកម្មព្រៃឈើជាង៣ពាន់ហិកតានៅស្រុកព្រែកប្រសព្វ ខេត្តក្រចេះគេលេងក្បួនណា?
ក្បួនមាន៣… គឺទី១ ក្បួនចែកគ្នារស់… ទី២ ក្បួនប្រមូលផលឈើមកវិញ… ទី៣ ក្បួនធ្វើមិនដឹងមិនឮ… ។ល។
អាឡេវ
ចែករំលែកព័តមាននេះ