ក្លិបហង្សក្រហម Liverpool ត្រៀមប្រមាញ់កីឡាករខ្សែប្រយុទ្ធក្លិប Liverkusen សញ្ជាតិកូរ៉េខាងត្បូង វ័យ២២ឆ្នាំ Son Heung-Min។ អ្នកគ្រប់គ្រងក្លិប Liverpool លោក Brendam Rodgers វ័យ៤២ឆ្នាំ និយាយថា យើងត្រូវការកីឡាកររូបនេះចូលលេងឱ្យក្លិប Liverpool នៅរដូវក្តៅនេះដើម្បីប្តូរទម្រង់នៃការលេងរបស់ក្លិបឱ្យកាន់តែល្អប្រសើរ ជាមួយនឹងកីឡាករប្រកបដោយទេពកោសល្យផ្សេងទៀត ។
Son Heung-Min ដែលមានតម្លៃខ្លួនជាង២២លានដុល្លារ គឺជាកំពូលអ្នករកគ្រាប់បាល់បានចំនួន១១គ្រាប់ក្នុងរដូវកាលនេះ ។ ភ្នាក់ងាររបស់កីឡាករសញ្ជាតិកូរ៉េខាងត្បូងរូបនេះនិយាយថា ក្នុងរដូវកាលនេះក្លិប Liverpool តែងផ្តល់សញ្ញាចង់បាន Son Heung-Min ចូលលេងឱ្យក្លិបជារឿយៗ ។
ទន្ទឹមគ្នានេះដែរ ក្លិប Liverpool ក៏សម្លឹងឃើញកីឡាករខ្សែបម្រើស្លាបរបស់ក្លិប PSV វ័យ២១ឆ្នាំ Memphis Depay ផងដែរនៅរដូវកាលនេះ ៕
ចែករំលែកព័តមាននេះ