កីឡាករប៉ាក់គីអាវគ្រោងវះកាត់របួសស្មាសប្តាហ៍នេះ
ប្រភពពីគេហទំព័រ ESPN.com បានឱ្យដឹងកាលពីថ្ងៃចន្ទ ទី៤ ឧសភាថា កីឡាករម៉ានី ប៉ាក់គីអាវ នឹងវះកាត់របួសស្មារបស់ខ្លួនក្នុងសប្តាហ៍នេះ ដោយពេលវេលាជាសះស្បើយត្រូវគេរំពឹងថា
ប្រភពពីគេហទំព័រ ESPN.com បានឱ្យដឹងកាលពីថ្ងៃចន្ទ ទី៤ ឧសភាថា កីឡាករម៉ានី ប៉ាក់គីអាវ នឹងវះកាត់របួសស្មារបស់ខ្លួនក្នុងសប្តាហ៍នេះ ដោយពេលវេលាជាសះស្បើយត្រូវគេរំពឹងថា
ប្រភពពីគេហទំព័រ ESPN.com បានឱ្យដឹងកាលពីថ្ងៃចន្ទ ទី៤ ឧសភាថា កីឡាករម៉ានី ប៉ាក់គីអាវ នឹងវះកាត់របួសស្មារបស់ខ្លួនក្នុងសប្តាហ៍នេះ ដោយពេលវេលាជាសះស្បើយត្រូវគេរំពឹងថា នឹងមានរយៈពេលពី៩ ទៅ១២ខែ ។
វេជ្ជបណ្ឌិតជំនាញវះកាត់ Neal Elattrache បានប្រាប់ ESPN.com ថា ៖ «ការថតស្គែនដោយម៉ាស៊ីន MRI បានបង្ហាញថា ប៉ាក់គីអាវរយះសាច់ដុំស្មាដែលភ្ជាប់នឹងសន្លាក់ដៃ ។ គេរយះធំខ្លាំងណាស់» ។
វេជ្ជបណ្ឌិតរូបនេះកាលពីថ្ងៃចន្ទបានពិពណ៌នាថា របួសប៉ាក់គីអាវ ធ្ងន់ធ្ងរគួរសម ហើយថា ស្តេចប្រដាល់ហ្វ៊ីលីពីនរូបនេះអាចនឹងត្រូវឈប់សម្រាកចន្លោះពី៩ ទៅ១២ខែ ក្នុងករណីការស្តារនីតិសម្បទារបស់គេដំណើរការទៅបានល្អ។ យ៉ាងណាក៏ដោយ កាលបរិច្ឆេទនៃការវះកាត់ពុំទាន់ត្រូវបានកំណត់នៅឡើយទេ តែគេរំពឹងថា អាចនឹងត្រូវធ្វើនៅចុងសប្តាហ៍នេះ ។
Neal Elattrache គឺជាវេជ្ជបណ្ឌិតដ៏ល្បីឈ្មោះមួយរូបនៅអាមេរិកខាងជើង ។ លោកធ្លាប់វះកាត់ដោយជោគជ័យកីឡាករល្បីឈ្មោះមួយចំនួន ក្នុងនោះរួមមានជើងឯកបាល់បោះអាមេរិក Kobe Bryant ផងដែរ ។
សូមរំលឹកថា ក្រោយបញ្ចប់ការប្រកួត និងប្រកាសលទ្ធផលឈ្នះចាញ់ ប៉ាក់គីអាវ បានអះអាងថា ខ្លួនមានរបួសស្មា មិនអាចប្រើកណ្តាប់ដៃតាមចិត្តចង់ ជាហេតុនាំឱ្យចាញ់ការប្រកួត ។ ការអះអាងនោះបាននាំឱ្យមនុស្សមួយចំនួន ក្នុងនោះរួមទាំងកីឡាករមេវេដឌ័រផងដែររិះគន់ថា អ្នកចាញ់ជានិច្ចកាលតែងមានលេស ។
របួសនេះអាចនឹងធ្វើឱ្យប៉ាក់គីអាវបាត់បង់ឱកាសប្រកួតសងសឹកជាមួយ មេវេដឌ័រ ដ្បិតស្តេចប្រដាល់អាមេរិកវ័យ៣៨ឆ្នាំរូបនេះបាននិយាយរួចហើយថា រូបគេឡើងសង្វៀនតែមួយលើកទៀតនៅខែកញ្ញា បន្ទាប់មកនឹងចូលនិវត្តន៍ ។
សូមបញ្ជាក់ថា ប៉ាក់គីអាវដែលមានឯតទគ្គកម្មប្រកួតឈ្នះ៥៧លើក ចាញ់៦លើក ស្មើ២លើក ល្បីឈ្មោះខ្លាំងដោយភាពប៉ិនប្រសប់ក្នុងការប្រើកណ្តាប់ដៃ និងវាយមិនចេះថយក្រោយ ៕
ចែករំលែកព័តមាននេះ