ខេត្តស្ទឹងត្រែង ៖ យុវជនវ័យ១៩ឆ្នាំម្នាក់បានស្លា.ប់ភ្លាមៗនៅនឹងអូរក្រោយផ្ទះរបស់ខ្លួន ខណៈចុះទៅចាប់ត្រីដែលឆក់បាននៅក្នុងទឹក កាលពីល្ងាចថ្ងៃទី៤ ឧសភា ២០១៥ នៅភូមិបាដើម ឃុំសាមឃួយ
ខេត្តស្ទឹងត្រែង ៖ យុវជនវ័យ១៩ឆ្នាំម្នាក់បានស្លាប់ភ្លាមៗនៅនឹងអូរក្រោយផ្ទះរបស់ខ្លួន ខណៈចុះទៅចាប់ត្រីដែលឆក់បាននៅក្នុងទឹក កាលពីល្ងាចថ្ងៃទី៤ ឧសភា ២០១៥ នៅភូមិបាដើម ឃុំសាមឃួយ ស្រុកសេសាន ។
មន្ត្រីនគរបាលប៉ុស្តិ៍រដ្ឋបាលឃុំសាមឃួយបានឲ្យដឹងថា យុវជនរងគ្រោះត្រូវគេប្រទះឃើញស្លាប់ក្នុងទឹកដោយសារឆក់ចរន្តអគ្គិសនីដោយខ្លួនឯង ក្រោយមកគ្រួសារបានមកសង្គ្រោះ តែជនរងគ្រោះបានឈ្លក់ទឹកស្លាប់ទៅហើយ។
ប្រភពពីគ្រួសារជនរងគ្រោះឲ្យដឹងថា មុនពេលកើតហេតុ ជនរងគ្រោះបានតខ្សែភ្លើងចេញពីក្នុងផ្ទះអូសទៅក្រោយពង្រាយរហូតដល់អូរដៃទន្លេ ហើយដាក់ខ្សែភ្លើងជាមួយដែកសរសៃទៅឆក់ត្រី ខណៈឃើញត្រី អរពេកភ្លេចគិតថាដកខ្សែភ្លើងចេញ ជនរងគ្រោះក៏ចុះទៅចាប់ ស្រាប់តែឆក់ប្រកាច់នៅក្នុងទឹកនោះស្លាប់ភ្លាមៗ ។
គ្រានោះក្រុមគ្រួសារក៏បានទៅជួយសង្គ្រោះ តែដោយមូលហេតុចរន្តភ្លើងអគ្គិសនីកម្លាំងគីឡូវ៉ាត់ខ្លាំងពេកក៏ត្រូវឆក់ស្លាប់ក្នុងទឹកនោះតែម្តង។ មន្ត្រីនគរបាលប៉ុស្តិ៍រដ្ឋបាលឃុំសាមឃួយបញ្ជាក់ឲ្យដឹងថា យុវជនរងគ្រោះមានឈ្មោះ វ៉ាន់ វល្លីមីនា ភេទប្រុស អាយុ១៩ឆ្នាំ រស់នៅភូមិ-ឃុំកើតហេតុ បច្ចុប្បន្នត្រូវបានគ្រួសាររៀបចំធ្វើបុណ្យតាមប្រពៃណីនៅក្នុងភូមិកំណើត។
ប្រភពព័ត៌មានបន្ថែមបានឱ្យដឹងថា ការតពង្រាយខ្សែភ្លើងទៅឆក់ត្រីក្នុងទន្លេរបស់យុជនជនរងគ្រោះនោះ គឺមិនមែនមានអាំងវើរទ័រ ឬក្បាលឆក់ក្តៅ ក្បាលឆក់ត្រជាក់នោះទេ ដោយសារតែជនរងគ្រោះមិនដឹងអំពីបច្ចេកទេសនៃការតភ្ជាប់ខ្សែភ្លើងពីមួយទៅមួយ គឺដាក់ព្រីភ្លើងក្បែរទឹក ហើយយកដែកសសៃរុំសម្រាប់ការពារដៃបន្តិច រួចយកទៅដាក់ក្នុងទឹកពេលដែលឃើញត្រីងាប់មិនបានលើកដែកដែលកំពុងមានចរន្តភ្លើងនោះឡើងសិនមុននឹងចុះទៅស្រង់ត្រីក៏ត្រូវចរន្តភ្លើងឆក់ដួលប្រកាច់ និងឈ្លក់ទឹកស្លាប់ភ្លាមៗបែបនេះទៅ៕
ចែករំលែកព័តមាននេះ