មានឈ្មួញឈើធំៗ២នាក់ ល្បីឈ្មោះបំផុត នៅខេត្តកំពង់ចាម ក្រចេះ ស្ទឹងត្រែង ខាងរកស៊ីដឹកជញ្ជូនឈើទៅស្រុកយួន ទោះមានច្បាប់ ឬអត់ច្បាប់ មានតែក្រសួងមេព្រៃទេ ទើបអាចឆ្លើយបាន ។ នោះគឺ ឧកញ៉ា លឹម ប៊ុនណា ហៅឧកញ៉ាខ្នា និង ឧកញ៉ាអេង ។
ឆ្លើយក៏ដោយ មិនឆ្លើយក៏ដោយ ពេលនេះត្រូវបានប្រជាពលរដ្ឋ នៅស្រុកព្រែកប្រសព្វ ខេត្តក្រចេះ ដែលជាអ្នករស់នៅផ្ទាល់ ក្នុងតំបន់នោះ បានធ្វើលិខិតប្ដឹងទៅសាលាដំបូងខេត្ត ឱ្យចាត់ការតាមច្បាប់ ដោយចោទថា ជាអ្នកប្រព្រឹត្តឧក្រិដ្ឋកម្មព្រៃឈើ ប្រមាណជាង៣ពាន់ហិកតា ក្នុងតំបន់ព្រៃស្រោង ជាព្រៃរបស់រដ្ឋគ្រប់គ្រង ។
ក្រុមអ្នកវិភាគបានប្រាប់កោះសន្ដិភាពម្សិលមិញថា រឿងធំម្លឹងៗ ដែលជាប់ពាក់ព័ន្ធ ជាមួយឧកញ៉ាទាំង២នាក់នេះមិនសង្ឃឹមថា សាលាដំបូងចាត់ការបានល្អនៅឡើយទេ ។ ពេលនេះសង្ឃឹមលើក្រសួងកសិកម្ម ដែលជាចៅហ្វាយ នៃព្រៃឈើតែប៉ុណ្ណោះ ។
ទំហំនៃការកាប់រានយកដីព្រៃស្រោងដែលមានជាង៣ពាន់ហិកតា ឱ្យវិនាសបែបនេះ គួរតែមានវិធានការតាមច្បាប់ជាគំរូមួយ ដែលសង្ស័យក្លាយជាសម្លកំពិសមិនខានឡើយ ។ តើព្រៃឈើគ្រប់ប្រភេទនៅលើដីព្រៃស្រោង ជាង៣ពាន់ហិកតា មានតម្លៃប៉ុន្មាន? អ្នកណាខ្លះពាក់ព័ន្ធ? ម្ចាស់ទឹកដីខេត្តក្រចេះដឹងដែរ ឬអត់ ?
ចែករំលែកព័តមាននេះ