រាជធានីភ្នំពេញ ៖ ស្ត្រីម្នាក់ស្រវឹងស្រាខ្លាំងបានបើករថយន្តទៅបុកពីក្រោយម៉ូតូគេយ៉ាងពេញទំហឹង បណ្តាលឱ្យអ្នកជិះម៉ូតូដួល រយះថ្ងាស និងបាក់ជើងខាងឆ្វេង ចំណែករថយន្តបង្កបានព្យាយាមបើករត់ រួចយកទៅប្លុងចោលនៅក្នុងដីឡូត៍មួយកន្លែង ដែល
រាជធានីភ្នំពេញ ៖ ស្ត្រីម្នាក់ស្រវឹងស្រាខ្លាំងបានបើករថយន្តទៅបុកពីក្រោយម៉ូតូគេយ៉ាងពេញទំហឹង បណ្តាលឱ្យអ្នកជិះម៉ូតូដួល រយះថ្ងាស និងបាក់ជើងខាងឆ្វេង ចំណែករថយន្តបង្កបានព្យាយាមបើករត់ រួចយកទៅប្លុងចោលនៅក្នុងដីឡូត៍មួយកន្លែង ដែលហេតុការណ៍នេះកើតឡើងកាលពីវេលាម៉ោង០៧ និង២០នាទីយប់ថ្ងៃទី៣ ឧសភា ២០១៥ ស្ថិតនៅភូមិចុងថ្នល់ខាងកើត តាមផ្លូវលេខ៥៥៥ ក្នុងសង្កាត់ទឹកថ្លា ខណ្ឌសែនសុខ ។
ប្រភពបានឱ្យដឹងថា មុនពេលកើតហេតុ ជនរងគ្រោះជិះម៉ូតូហុងដាឌ្រីម ពណ៌ខ្មៅ ស៊េរី២០០៨ ពាក់ស្លាកលេខ សៀមរាប 1C- 5370 បើកដោយបុរសម្នាក់អាយុជាង៣០ឆ្នាំ បើកបរពីជើងទៅត្បូង ស្របគ្នាជាមួយរថយន្តបង្កម៉ាកឡិចស៊ីស RX300 ពណ៌ស ពាក់ស្លាកលេខភ្នំពេញ 2L 4898 បើកបរដោយស្ត្រីម្នាក់ក្នុងស្ថានភាពស្រវឹង ហើយបើកលឿនពេក បានបើកទៅបុកពីក្រោយម៉ូតូពេញទំហឹង បណ្តាលឱ្យអ្នកបើកម៉ូតូដួលបាក់ជើងខាងឆ្វេង និងរយះថ្ងាស ហើយខូចខាតម៉ូតូគូទក្រោយ ចំណែករថយន្តបង្កបានបើករត់គេច ហើយបានបើកត្រឡប់មកវិញចូលតាមផ្លូវឌែមហឿងនៅខាងក្រោយកន្លែងកើតហេតុចូលទៅក្នុងដីឡូត៍ចតទុកចោល។
ក្រោយពេលកើតហេតុ អ្នករងរបួសបានបញ្ជូនទៅព្យាបាលនៅមន្ទីរពេទ្យព្រះកុសុមៈ ចំណែករថយន្ត និងម៉ូតូត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌសែនសុខ រង់ចាំធ្វើការដោះស្រាយតាមច្បាប់ ៕
ចែករំលែកព័តមាននេះ