ខេត្តស្ទឹងត្រែង៖ ប្រជាពលរដ្ឋនៅ២ភូមិ ក្នុងឃុំក្បាលរមាស ស្រុកសេសាន ចំនួន៧០គ្រួសារ បានរីករាយទះដៃហ៊ោកញ្ជ្រៀវ បន្ទាប់ពីទទួលបានសំណងដីធ្លី និងលុយមួយចំនួន ដើម្បីសម្រេចសាងសង់ផ្ទះដោយផ្ទាល់ខ្លួន តាមការឯកភាពរវាងប្រជាពលរដ្ឋទាំង
ខេត្តស្ទឹងត្រែង៖ ប្រជាពលរដ្ឋនៅ២ភូមិ ក្នុងឃុំក្បាលរមាស ស្រុកសេសាន ចំនួន៧០គ្រួសារ បានរីករាយទះដៃហ៊ោកញ្ជ្រៀវ បន្ទាប់ពីទទួលបានសំណងដីធ្លី និងលុយមួយចំនួន ដើម្បីសម្រេចសាងសង់ផ្ទះដោយផ្ទាល់ខ្លួន តាមការឯកភាពរវាងប្រជាពលរដ្ឋទាំងនោះ និងក្រុមហ៊ុនសាងសង់វារីអគ្គិសនីសេសានក្រោម២ ។
កាលពីវេលាព្រឹកថ្ងៃទី០២ ឧសភា ២០១៥ តំណាងក្រុមហ៊ុនសាងសង់ទំនប់វារីអគ្គិសនីសេសានក្រោម២ ក្រោមការចូលរួមពីលោក ដួង ពៅ អភិបាលរងខេត្តស្ទឹងត្រែង ដើម្បីដោះស្រាយសម្របសម្រួលផលប៉ះពាល់ពីការសាងសង់ទំនប់វារីអគ្គិសនីសេសានក្រោម២ និងប្រជាពលរដ្ឋចំនួន៧០គ្រួសារ នៅក្នុងភូមិចំនួន២ គឺភូមិច្រប់ និងភូមិស្រែសាណុក ស្ថិតនៅឃុំក្បាលរមាស ស្រុកសេសាន ។
ក្នុងឱកាសនោះ លោកដួង ពៅ អភិបាលរងខេត្តស្ទឹងត្រែង បានមានប្រសាសន៍ថា ក្នុងឃុំក្បាលរមាស ដែលមានប្រជាពលរដ្ឋនៅភូមិស្រែសាណុកចំនួន៦២គ្រួសារ និងមកពីភូមិច្រប់ចំនួន៨គ្រួសារ ពួកគាត់បានពិភាក្សាគ្នាជាធ្លុងមួយ ឈានដល់ការឯកភាពទាំងស្រុកឱ្យក្រុមហ៊ុនផ្តល់ដីលំនៅឋានជួនពួកគាត់ ដើម្បីសាងសង់ផ្ទះ និងថវិកាចំនួន៦ពាន់ដុល្លាអាមេរិក សម្រាប់សាងសង់លំឋានដោយខ្លួនឯង មិនបាច់ឱ្យក្រុមហ៊ុនសាងសង់ឲ្យនោះទេ នេះជាគោលបំណងរបស់ពួកគាត់ ។
លោកអភិបាលរងបានលើកឡើងបន្ថែមថា នៅក្នុងភូមិសាស្ត្រដែលត្រូវវាស់វែងជាប្លង់នោះ ក្រុមហ៊ុនបានសាងសង់អគារសាលារៀន សម្រាប់ការសិក្សារបស់កូនចៅ សាងសង់មណ្ឌលសុខភាព និងវត្តអារាម ដើម្បីគោរពបូជាតាមបែបព្រះពុទ្ធសាសនាខ្មែរជូនដល់ប្រជាពលរដ្ឋនៅទីនោះផ្ទាល់ ដោយត្រូវចំណាយថវិការអស់ច្រើនសន្ធឹកណាស់ ។
តំណាងក្រុមហ៊ុនសាងសង់វារីអគ្គិសនីសេសានក្រោម២ បានឯកភាពទាំងស្រុក លើគោលបំណងដែលប្រជាពលរដ្ឋទាំងនោះបានឯកភាពក្នុងការទាមទារសំណងតាមតម្រូវការ ដោយបានវាស់វែងផ្ទៃដីទំហំ២០ គុណ៥០ម៉ែត្រ ក្នុងមួយគ្រួសារ និងថវិកាចំនួន៦ពាន់ដុល្លារអាមេរិក សម្រាប់ពួកគាត់សាងសង់ដោយខ្លួនឯង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ