រាជធានីភ្នំពេញ ៖ កញ្ញាជុំ រចនាពេជ្រ ហៅបេប៊ី ធ្វើជាពិធីការិនីក្នុងកម្មវិធីប្រគំតន្ត្រី A1 របស់ស្ថានីយទូរទស្សន៍មា៉យធីវី ជាច្រើនខែមកហើយ ប៉ុន្តែទើបតែចុះកិច្ចសន្យាពេញសិទ្ធិ ។
រាជធានីភ្នំពេញ ៖ កញ្ញាជុំ រចនាពេជ្រ ហៅបេប៊ី ធ្វើជាពិធីការិនីក្នុងកម្មវិធីប្រគំតន្ត្រី A1 របស់ស្ថានីយទូរទស្សន៍មា៉យធីវី ជាច្រើនខែមកហើយ ប៉ុន្តែទើបតែចុះកិច្ចសន្យាពេញសិទ្ធិ ។
នៅពេលតារាស្រីវ័យក្មេងកញ្ញាបេប៊ីបានទទួលសិទ្ធិធ្វើជាពិធីការិនីប្រចាំទូរទស្សន៍ស៊ីធីអិន និងមា៉យធីវីនោះ មានការលេចឮថា មានគេទាក់ទងនាងឱ្យធ្វើជាពិធីការិនីនៅស្ថានីយទូរទស្សន៍ផ្សេង ប្រសិនបើចង់ប្តូរការងារ ។ ទូរទស្សន៍ស៊ីធីអិន រៀបចំឱ្យបេប៊ីចុះកិច្ចសន្យាកាលពីពេល ថ្មីៗនេះ ។ តំណែងជាពិធីការិនីប្រចាំស្ថានីយទូរទស្សន៍ស៊ីធីអិន និងម៉ាយធីវីគឺជាមុខតំណែងមួយដែលបេប៊ីមិនអាចចេញទៅកាន់ក្បាលមេក្រូធ្វើជាពិធីការិនីនៅស្ថានីយទូរទស្សន៍ផ្សេងបានទេ ។ បើសិនជាការច្រៀង រាំ គឺបេប៊ីអាចធ្វើបាននៅតាមទូរទស្សន៍ផ្សេង លើកលែងតែពិធីការិនីប៉ុណ្ណោះ ។
កញ្ញាបេប៊ី ឱ្យដឹងកាលពីពេល ថ្មីៗនេះថា ទូរទស្សន៍ស៊ីធីអិនទើបតែហៅនាងឱ្យមើលលិខិតស្នាមចុះកិច្ចសន្យា បន្ទាប់ពីនាងធ្វើការងារនោះអស់រយៈពេលជាច្រើនខែកន្លងមកហើយនោះ ។
បេប៊ីនិយាយថា «ខ្ញុំសប្បាយចិត្ត ព្រោះមេកោយគាត់ពិតជាឱ្យតម្លៃពីអ្វីដែលកើតចេញពីសមត្ថភាព ព្រោះយើងតស៊ូច្រើនជាមួយការងារនេះតាំងពីជំហានដំបូង ទោះជាធ្វើអ្វីក៏ព្រម។ នេះហើយអាចជាចំណុចល្អបានពីយើងខំប្រឹង ។ លើសពីនេះយើងមិនឃុំខ្លួននៅតែមួយកន្លែងទេអាចច្រៀង សម្តែងនៅស្ថានីយទូរទស្សន៍ផ្សេងបានដូចតែពីមុន លើកលែងតែធ្វើជាពិធីការិនីនៅស្ថានីយទូរទស្សន៍ផ្សេង មិនអាចដែលនេះជាសញ្ញាល្អមួយអាចទទួលយកបាន ។ ម្ល៉ោះហើយនាងខ្ញុំមិនខ្លាចចុះកិច្ចសន្យាទេ ។ ណាមួយធ្វើជាពិធីការិនីមើលទៅល្អ បង្ហាញពីភាពឆ្លាតវៃ រហ័សរហួន ចេះសម្របសម្រួលកម្មវិធីឱ្យដំណើរការល្អ ដែលត្រូវពឹងលើអ្នកកាន់ក្បាលមេក្រូដែលកើតចេញពីការឆ្លាតវៃជាសំខាន់ ។
នាងខ្ញុំនឹងខិតខំពង្រឹងការងារពិធីការិនីនេះឱ្យកាន់តែប្រសើរជាងនេះ និងបន្តកាន់តំណែងផ្នែកនេះឱ្យបានយូរឆ្នាំ យូរខែបន្តទៀត ដោយស្តាប់បង្គាប់រៀមច្បងមើលបទពិសោធន៍អ្នកមុនឱ្យបានល្អិតល្អន់ក្នុងន័យវិវឌ្ឍខ្លួនឱ្យកាន់តែល្អ» ។
ចំណែកការសម្តែងវិញ បេប៊ីផ្អាកសិន ព្រោះនាងថា ចេញទៅថតហត់ណាស់ និងនៅឆ្ងាយមិនអាចតស៊ូបាន ។ កាលពីមុនបេប៊ីចេញថតឡើងឈឺ និងគេងមិនបានពេញភ្នែក ។ ពេលនេះបេប៊ីយកចិត្តទុកដាក់គិតរឿងច្រៀង និងពិធីការិនីវិញ ។
ក្នុងនាមជាអ្នកសិល្បៈម្នាក់មានការគាំទ្រកញ្ញាបេប៊ី ថ្លែងអំណរគុណចំពោះផលិតកម្ម និងក្រុមហ៊ុននានា ព្រមទាំងអ្នកគ្រប់គ្រងនៅទូរទស្សន៍ស៊ីធីអិន ក៏ដូចជានៅតាមស្ថានីយទូរទស្សន៍ផ្សេងដែលផ្តល់ឱកាសឱ្យរូបនាងបានបង្ហាញទេពកោសល្យរហូតមានការគាំទ្រពីមហាជន និងមានឱកាសចាប់យកការងារថ្មីពីសិល្បៈ។ បេប៊ីយល់ថា បើមិនមានការជួយគាំទ្រទេ នាងក៏គ្មានថ្ងៃនេះដែរ ៕
ចែករំលែកព័តមាននេះ