រាជធានីភ្នំពេញ ៖ អាជ្ញាធរខណ្ឌមានជ័យ ដែលដឹកនាំដោយលោកឌី រ័ត្នខេមរុណ អភិបាលរងខណ្ឌមានជ័យ និងមានការចូលរួមពី សំណាក់កម្លាំងនគរបាល, កម្លាំងអាវុធហត្ថ, ប្រជាការពារសង្កាត់ និងមន្ត្រីពាក់ព័ន្ធជាច្រើននាក់ កាលពីវេលាយប់ថ្ងៃទី២៥ មេសា ២០១៥ បានបន្តបើកប្រតិបត្តិការចុះត្រួតពិនិត្យអាវុធជាតិផ្ទុះ ព្រមទាំងត្រួតពិនិត្យជាតិអាកុល, ម៉ូតូអត់កញ្ចក់ ស្ថិតនៅលើផ្លូវ៧៧
បេតេ ក្រុមទី៥ ភូមិចំរើនផល សង្កាត់បឹងទំពុន ខណ្ឌមានជ័យ ។
លោកបានថ្លែងឱ្យដឹងថា ដោយមានការណែនាំពីលោកអភិបាលរាជធានីភ្នំពេញ លោកប៉ា សុជាតិវង្ស និងគណៈបញ្ជាការឯកភាពខណ្ឌ បានដឹកនាំកម្លាំងសមត្ថកិច្ច ទាំងនគរបាល អាវុធហត្ថ និងមន្ត្រីអាជ្ញាធរមូលដ្ឋាន ប្រជាការពារចុះត្រួតពិនិត្យ តាមដងផ្លូវនាយប់ថ្ងៃទី២៥ មេសា នេះ ដើម្បីឆែកអាវុធជាតិផ្ទុះ ក្នុងគោលបំណងរក្សាសន្តិសុខ និងសុវត្ថិភាពដល់ប្រជាជនក្នុងមូលដ្ឋាន ។
លោកបន្តទៀតថា ក្នុងប្រតិបត្តិការខាងលើនេះ ធ្វើឡើងដើម្បីចូលរួមទប់ស្កាត់រាល់បទល្មើស ខណៈសកម្មភាពឆក់ ប្លន់ បានកើតឡើងក្នុងរយ:ពេលកន្លងទៅនេះ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ